Ifya Kulanda pa Kushalika Magazini

Ulupungu lwa kwa Kalinda March 1

“Abantu balalanda ifyapusanapusana pali Yesu. Bushe mwaishiba ukuti Yesu mwana wa kwa Lesa nelyo muntu fye umusuma?” Lekeni basuke. Lyena belengeleni pamo icasuko ku cipusho cimo icili mu filembo ifyafiita pa mabula 16-17 ne lembo limo ilishambwilwe. Bapeeleni magazini, kabili lanshanyeni ubushiku mukabwelelako pa kuti mukayeasuka icipusho cikonkelepo.

Loleni! January–March

“Ino nshita ya mwaka, ilingi kulaba ubulwele bwa kolera, na bantu abengi balafwa kuli ubu bulwele. Bushe muletontonkanya ukutila kuti twacita shani pa kuicingilila kuli ubu bulwele no kucingilila bambi? [Lekeni basuke] Ukulakonka amafunde yaba mu Baibolo ayalanda pa busaka, kuti kwatwafwa ukuicingilila kuli ubu bulwele. [Belengeni Amalango 23:12-14] Icipande cili muli ino magazini cilelanga ifyo twingaicingilila.”

Ulupungu lwa kwa Kalinda April 1

“Abantu abengi basumina ifyapusanapusana pali Yesu. Bushe muletontonkanya ukuti calicindama ukwishiba icine pali ena? [Lekeni basuke. Lyena belengeni Yohane 17:3.] Iyi magazini ilelondolola ifyo Baibolo yalanda pali Yesu, uko afumine, ifyo aleikala, no mulandu afwilile.”

Loleni! January–March

“Abantu abengi bamona kwati nga balefwaya kuti basalapo ukuba abafumacumi nelyo iyo. E mulandu wine abantu bapangila ifintu ifimoneka kwati fya cine kanshi balefwaya fye ukupangilamo indalama. Bushe muletontonkanya ukuti ukuba umufumacumi kwalicindama? [Lekeni basuke. Lyena belengeni Esaya 33:15] Muli iyi magazini muli ifyo Baibolo yalanda ifingatwafwa ukuba abafumacumi muli cino calo umwafula ubufi.”