Ifya Kulanda pa Kushalika Magazini

Ulupungu lwa kwa Kalinda March 1

Belengeni Ukufuma 20:15. Lyena landeni ukuti: “Nangu ca kuti abengi balesha ukukonka ili ifunde, bamo bamona kwati ukwiba nelyo ukubepa limo limo kulaba fye bwino nga ca kuti ifintu nafyafya nga nshi. Nga imwe mumona shani? [Lekeni basuke.] Ici cipande cilelanda ubusuma bwaba mu kuba ne cishinka inshita yonse.” Balangeni ilyashi ilitendekele pe bula 12.

Loleni! January–March

“Bushe mulesumina ukuti indupwa shilaba na mafya pali ino nshita? [Lekeni basuke.] Abengi tabaishiba ukuti muli Baibolo mwaliba ukupanda amano ukusuma ukwingabafwa. Ku ca kumwenako fye, moneni ifyo ili lembo lilanda. [Belengenipo ilembo limo muli magazini.] Iyi Loleni! iyaibela ilelangilila ifyo amafunde ya mu Baibolo yengafwa indupwa ukushipikisha no kupwisha amafya.”

Ulupungu lwa kwa Kalinda April 1

“Abengi nga mwabepusha ukuti muntu nshi uwaliko kale uwacindama sana uo mwaishiba, basuka abati ni Yesu. Bushe na imwe e fyo mwaishiba? [Lekeni basuke.] Moneni umulandu tulingile ukufwailisha icishinka pali ena nangu ca kuti abantu balalanda ifintu ifingi kabili ifyapusanapusana pali ena. [Belengeni Yohane 17:3.] Iyi magazini iyaibela iya Ulupungu lwa kwa Kalinda ilelangilila ifyo Baibolo ilanda pali Yesu ne fyo alesambilisha.”

Loleni! January–March

[Ilyo mulelanda ku mwana umunono, kuti mwatila:] “Abana bamo batontonkanya ukuti abafyashi babo tababomfwikisha nga filya caleba kale. Bushe mulemona ukuti cinshi calenga ubu bwafya? [Lekeni basuke.] Ici cipande cilelanda pa fya kumwenako ifitulanga ukuti calicindama ku bana ukweba abafyashi babo fyonse ifili ku mutima, kabili bafwile ukusanga inshita iisuma iya kucite fyo, mu nshita ya kulekapo fye no kukanaeba abafyashi.”−Belengeni Yobo 12:12.