Ifya Kulanda Pali Bamagazini

Ulupungu lwa kwa Kalinda February 1

“Bushe Lesa alasuka amapepo yonse? [Lekeni basuke.] Moneni ifyo Yesu alandilepo pali uyu mulandu. [Belengeni Mateo 6:7.] Ici cipande cishaiwamina cilebomfya Baibolo ukwasuka amepusho yane ayo abantu ilingi line bepusha pa mapepo.” Balangeni icipande icitampiile pe bula 16.

Loleni! January–March

“Ilingi line abantu bamona umuntu uwalumbuka, uwa fyuma, nangu intungulushi ukuti e waikala bwino. Bushe imwe kuti mwatila ukwikala bwino e kuti shani? [Lekeni basuke.] Moneni icilenga umuntu ukwikala bwino ukulingana ne fisosa Baibolo. [Belengeni Amalumbo 1:1-3.] Ici cipande nacilanda pa fintu 6 ifingalenga umuntu ukwikala bwino.” Balangeni icipande icitampiile pe bula 21.

Ulupungu lwa kwa Kalinda March 1

“Bushe fyonse ificitika mu calo fyalipekanishiwe kabela ukuti fikacitike? [Lekeni basuke.] Moneni ifyo Baibolo ilandapo pali ici. [Belengeni Lukala Milandu 9:11.] Iyi magazini ilelondolola ukuti, nangu ca kutila Lesa alishibila libela ukuti ku ntanshi isonde likawama, alaleka ifwe bonse ukuisalila ifyo tulefwaya ukucita mu bumi bwesu.”

Loleni! January–March

“Abengi balafwaya ukucindika Yesu muli cino ciputulwa ca mwaka. Ukulingana ne ci cikomo, bushe ni nshila nshi iyawamisha iya kumucindikilamo? [Belengeni Yohane 14:15. Lekeni basuke.] Ubushiku Yesu afyelwe bwena tabwaishibikwa, kabili kuti mwapapa nga mwaishiba icalengele ukuti basale ubushiku bwa December 25 ukuti e bo balesefyapo Krisimasi.” Balangeni icipande icitampiile pe bula 10.