Ifya Kulanda pa Kushalika Magazini

Ulupungu lwa kwa Kalinda April 1

“Ifyalembwa fimo fitila Yesu tafwile nge fyo Baibolo ilanda lelo alyupile kabili alikwete na bana. Bushe mwalyumfwapo ifyo? [Lekeni basuke.] Calicindama ukwishiba icishinka. [Belengeni Yohane 17:3.] Ici cipande ciletweba ifishinka ifyo Baibolo yalandapo pali Yesu ifyo twingacetekela.” Balangeni ilyashi ilitendekele pe bula 26.

Loleni! April–June

Belengeni Amalumbo 37:9-11. Lyena ipusheni ukuti: “Bushe muletontonkanya isonde likaba shani ilyo ifi twabelenga fikacitika? [Lekeni basuke.] Ici cipande cilelanda pali ubu busesemo busuma ubwa mu Baibolo kabili cilelanda ne calenga ukuti pano isonde pabe ububifi ubwingi.” Balangeni ilyashi ilitendekele pe bula 20.

Ulupungu lwa kwa Kalinda May 1

“Bushe mwalibala amutontonkanya umulandu Lesa asuminishisha ukucula? [Lekeni basuke.] Moneni icipusho ico kalemba umo uwa Baibolo aipwishe ico abengi baipushapo. [Belengeni Amalumbo 10:1.] Iyi magazini ilelanda pa fyo Baibolo yalandapo pa calenga ukuti Lesa asuminishe ukucula kabili ilelanda na pa fyo alecita pali ino nshita pa kuti ukucula kukapwe.”

Loleni! April–June

“Abengi kuti batemwa ukuleka ukupepa fwaka lelo balafilwa. Bushe mwalishibako bamo abafwaya ukuleka ukupepa fwaka? [Lekeni basuke.] Bamo icibafwa ukuleka ukupepa ca kuti balabakoselesha ku fibusa na ba lupwa. [Belengeni Lukala Milandu 4:12a.] Iyi magazini ilelanda pa nshila shisuma ishingafwa umo ukuleka ukupepa fwaka.”