Ifya Kulanda Pali Bamagazini

Ulupungu lwa kwa Kalinda March 1

“Na imwe nalimo mwalimona ukuti cilafya sana ukucita ifintu ifisuma nga ca kuti bambi tabalefwaya ukuti tulecite fyo. Bushe kuti mwatila cinshi cingatwafwa ukutwalilila fye ukulacita ifisuma? [Lekeni basuke. E lyo nomba mubelenge Amapinda 29:25.] Ici cipandwa cilelanda pa fintu fisano ifilingile ukutulenga ukutiina ukukalifya Lesa ukucila ukutiina ukukalifya abantu.” Balangeni ici cipande icili pe bula 12.

Loleni January–March

“Bonse abaice na bakalamba, limo limo tutontonkanya ukuti ico Lesa ashasukila amapepo yesu ni co tatupepa sana nelyo ukuti mu mapepo yesu tamuba ifishinka. Bushe na imwe mwalitontonkanyapo ifi? [Lekeni basuke. Lyena Belengeni Abena Filipi 4:6.] Iyi magazini nailondolola bwino bwino ukuti Lesa alafwaisha ukumfwa amapepo yesu. Nailanda na pa fyo twingawamyako imipepele yesu.” Balangeni icipande icitampiile pe bula 18.

Ulupungu lwa kwa Kalinda April 1

“Bushe muletontonkanyapo shani pali aya mashiwi Yesu alandile? [Belengeni Yohane 3:3.] Bushe batini calola mwi ukufyalwa libili? [Lekeni basuke.] Nga twaishiba bwino umwalola aya mashiwi ya kwa Yesu, yakatwafwa pali ino nshita no kutupeela isubilo. Iyi magazini nailondolola bwino ili lyashi.”

Loleni January–March

[Nga mulelanda ku mwaice, kuti mwatila:] “Nga wasanga ukuti umunobe sana alicita icintu cimo icabipa nga nshi, cinshi wingacita? [Lekeni asuke.] Muli ici cipande muli imitubululo iisuma iya kukonka nga ca kuti ulefwaya ukwafwa umunobe, nangu nga ulefwaya bambi ukuti e bo bamwafwilishe.” [Belengeni Yakobo 5:5.] Mulangeni icipande icitampiile pe bula 28.