Ifya Kulanda pa Kushalika Magazini

Ulupungu lwa kwa Kalinda May 1

“Bushe icalo kuti caba shani nga ca kuti bonse balekonka aya mashiwi Yesu alandile? [Belengeni Mateo 7:12. Lyena lekeni basuke.] Ici cipande cilelanda pali fimo ifyo Yesu alesambilisha pa kulangilila ifyo Umwina Kristu afwile ukuba.” Balangeni ilyashi ilitendekele pe bula 16.

Loleni! April–June

“Cilemoneka kwati shino nshiku abantu balenaka ukucila mu cipimo pa mulandu wa ncito. Bushe na imwe mulesumina? [Lekeni basuke.] Umfweni ifyo Baibolo ipanda amano yasuma. [Belengeni Lukala Milandu 4:6.] Iyi magazini ilelanda pa fyo twingalabomba incito pa nshita imo ine tulesakamana no lupwa kabili no kukwata inshita ya kutuusha. Kabili ilelondolola ne fyo umuntu engacita nga alefwaya incito.”

Ulupungu lwa kwa Kalinda June 1

“Aba macalici abengi balileka ukulanda pa lubembu nga filya balecita imyaka yapita. Bushe na imwe mumona ukuti umuntu nga alelanda pa lubembu ninshi alishalila, nelyo bushe cintu ico tukabila ukubikako amano? [Lekeni basuke. Lyena belengeni Abena Roma 5:12.] Iyi magazini ilelangilila ifyo Baibolo yalandapo pa lubembu.”

Loleni! April–June

“Abengi balicindika Baibolo lelo bamona kwati ifyabamo tafibomba sana muno nshiku. Nga imwe mwaishibapo shani? [Lekeni basuke. Lyena belengeni Abena Roma 15:4.] Ici cipande cilelondolola icalenga ukuti ifiputulwa fyaba mu Baibolo ifyo balembele kale sana fileafwa abantu na pali ino nshita.” Balangeni ilyashi ilitendekele pe bula 26.