Ifya Kulanda Pali Bamagazini

Ulupungu lwa kwa Kalinda January 1

“Bushe Lesa alabikako amano kwi sonde ifi lileonaulwa? [Lekeni basuke. Lyena belengeni Ukusokolola 11:18.] Ici cipande cikwete imilandu ya mu Malembo iingalenga twacetekela ukuti isonde likaba bwino ku ntanshi.” Balangeni icipande icili pe bula 18.

Loleni! January–March

“Abantu mu mipepele iyalekanalekana balanda ifyapusanapusana pa fyo Lesa aba icine cine. Lelo Umwana wa kwa Lesa ena amulondolwele shani? Moneni amashiwi ya kwa Yesu pali Yohane 4:24. [Belengeni.] Pa mabula fye yabili, ici cipande nacilondolola bwino bwino ifyo Baibolo isambilisha pa cipusho ca kuti, “Bushe Lesa aba shani?” Balangeni icipande icili pa mabula 16 na 17.

Ulupungu lwa kwa Kalinda February 1

“Bushe Lesa alapokelela ukupepa konse? [Lekeni basuke.] Umfweni ifyo Yesu alandilepo. [Belengeni Mateo 15:8, 9.] Ici cipande cilelanda pali Lesa, nga ca kuti alapokelela imisango yonse fye iya kupepa atemwa iyo.” Balangeni icipande icili pe bula 9.

Loleni! January–March

“Abantu abengi balipusha no kutontonkanya sana pali ici cipusho pa myaka iingi. [Balangeni icipusho icili pa nkupo.] Bushe ni kwi twingasanga ubwasuko bwa cine? [Lekeni basuke.] Moneni umulandu twingafwaila Lesa ukutila e o atwasuke. [Belengeni Amalumbo 100:3.] Iyi magazini ilelondolola ico Baibolo isambilisha pali ili lyashi.”