Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu May

“Bushe mumona ukuti imipepele e ilenga kuleba umutende no kutemwana nelyo ukuti e ileta ulupato no lubuli? [Lekeni basuke.] Lekeni imulangeko ifisuma fimo pali ili lyashi.” Peeleni abo mulelanda na bo Ulupungu lwa kwa Kalinda ulwa May 1, kabili belengeni no kulanshanya ifyebo ifili pa kamutwe ka kubalilapo akali pe bula 16. Belengeniko ilembo nangu fye limo. Shalikeni magazini, kabili lanshanyeni ilyo mukabwelelako ku kuya-asuka icipusho cimbi.

Ulupungu lwa kwa Kalinda May 1

“Abantu abengi basumina ukuti aba mapepo bafwile ukuitumpa mu mapolitiki, lelo bambi nabo batila tacifwile ukuba ifyo. Nga imwe muletontonkanyapo shani? [Lekeni basuke.] Umfweni ifyo Yesu acitile ilyo abantu balefwaya ukuti aitumpe mu mapolitiki. [Belengeni Yohane 6:15.] Iyi magazini iletweba umulandu Yesu akaanine ukuitumpa mu mapolitiki kabili nailondolola ne fyo Abena Kristu bengacita pa kuti baafwe aba mu bwikashi.”

Loleni! April–June

“Tulelanshanya na bantu pa lyashi ilibakumine sana. Cilemoneka kwati abantu abalekalipa bwangu shino nshiku baleya balefulilako. Bushe kuti mwaishiba icilelenga? [Lekeni basuke.] Umfweni ifyo Baibolo yalanda pa bukali. [Belengeni Amalumbo 37:8.] Iyi magazini ilelanda pa cilelenga abantu shino nshiku ukukalipa bwangu e lyo ne fyo bengacita pa kuti belakalipa bwangu.”