Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu July

“Finshi ifyo mwingalanda pa fyo Lesa amona amapepo yesu? Bushe kuti mwatila alabikako amano nangu tabikako amano?” Lekeni basuke. Lyena balangeni ifili ku nkupo ya ku numa iya Ulupungu lwa kwa Kalinda ulwa July 1. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda July 1

“Apo Lesa wa maka yonse, bushe mutontonkanya ukuti ifyabipa fyonse ificitika kufwaya kwakwe? [Lekeni basuke. Lyena belengeni Yakobo 1:13.] Iyi magazini ilelondolola ico ifyabipa ficitikila ne fyo Lesa akacita pa kuti akafumyepo ifyabipa no kucula.”

Loleni! May–June

“Twaisa mu kulanshanya nenu pa fingamwafwa ukucimfya ubwafya ubulekulilako. Abantu bamo nga bakwata ubwafya, tabeshiba ifya kucita ica kuti batontonkanya fye pa kuipaya. Mutontonkanyapo shani, bushe umuntu nga aletontonkanya pa kuipaya ninshi kufwa fye alefwaya nelyo kufwaya fye ukupwisha amafya akwete? [Lekeni basuke.] Moneni ifyo Baibolo yalanda ifyayafwa abantu abengi ukuleka ukutontonkanya pa kuipaya? [Belengeni Ukusokolola 21:3, 4.] Iyi magazini ilelanda pa fintu fitatu ifyo umuntu ashifwile ukuipaila nangu nakwata ubwafya.”