Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu December

“Abantu abengi balafwaisha ukuti Yesu akabwele. Nga ca kuti Yesu aliishile, cinshi mwingatemwa ukuti amucitile?” Lekeni basuke. Balangeni ifyebo fili ku nkupo ya ku numa iya Ulupungu lwa kwa Kalinda ulwa December 1, lyena lanshanyeni ifyebo fili pa cipusho ca kubalilapo kabili belengeniko ne lembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda December 1

“Abantu muno calo baliba abapamfiwa icine cine ica kuti tabatontonkanya sana na pali Lesa. Bushe tulakabila Lesa mu bumi bwesu? [Lekeni basuke.] Ilyo alelanda Ilyashi lya pa Lupili ilyalumbuka, Yesu atile pa kuti tube ne nsansa sha cine cine tukabila ukukwata imibele ya bwina Lesa. [Belengeni Mateo 5:3.] Iyi magazini ilelanda pa fintu fitatu ifilanga ukuti cine cine tulakabila Lesa mu bumi bwesu.

Loleni! November—December

“Ndefwaya ukumfwa ifyo mwingalandapo pali ici cipusho: Bushe batini kuti wateka umutima nga tawakwata indalama ishingi? [Lekeni basuke.] Moneni ifyo Baibolo ilanda. [Belengeni 1 Timote 6:8.] Iyi magazini ilelanda pa fyo tulingile ukulamona indalama, e lyo ilelanda na pa fintu fitatu ifyacindama ifyo mushingashita.”