Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu January

“Bushe mwaishiba ukuti ishina lya kwa Lesa ni nani? [Lekeni basuke.] Moneni ifyo iyi magazini ilelanda.” Peeleni abo mulelanda nabo Ulupungu lwa kwa Kalinda ulwa January 1, no kubalanga icipande cili ku nkupo ya ku numa kabili lanshanyeni nabo ifyebo fili pa kamutwe ka kubalilapo no kubelengako ilembo limo. Bapeeleni magazini, bepusheni icipusho na cimbi kabili panganeni ilyo mukabwelelako pa kuti mukayebasuka.

Ulupungu lwa kwa Kalinda January 1

“Abantu abengi balalanda sana pa kupwa kwa calo. Bushe mutontonkanya ukuti tufwile ukutiina ukupwa kwa calo? [Lekeni basuke.] Baibolo ilanga ukuti abantu bamo bakapusuka ilyo icalo cikapwa. [Belengeni 1 Yohane 2:17.] Iyi magazini naitupeela ifyasuko fya mu Baibolo ku fipusho 4 ifyo abantu bepusha sana pa lwa kupwa kwa calo.”

Loleni! January–February

“Tuletandalila indupwa pa kuti tulanshanye nabo ifyebo fimo ifingabafwa. Bushe muletontonkanya ukuti calicindama indupwa ukulakonka aya amashiwi ya kwa Yesu? [Belengeni Imilimo 20:35b. Lekeni basuke.] Calyafya ukusambilisha abana ukukanaba abaitemwa muli cino calo umo abantu batontonkanya fye pa fingabawamina. Iyi magazini nailanda pa fintu fimo ifingafwa abafyashi ukukusha bwino abana pa kuti baletontonkanya na pa fingawamina abantu bambi.”