Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu January

“Abantu abengi balalanda ifyapusanapusana pali Lesa. Bambi bamona kwati Lesa maka yamo ayashaishibikwa na bwino bwino. Bambi nabo bamwishiba ati ni Shifwe uwakwata icitemwiko uwaba ku muulu. Nga imwe mumona ati Lesa aba shani?” Lekeni basuke. Lyena balangeni ifyebo fyaba ku ya ku numa ya Ulupungu lwa kwa Kalinda ulwa January 1, lyene lanshanyeni ifyebo fili pa cipusho ca kubalilapo kabili belengeniko ne lembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda January 1

“Tulelanshanya na bantu pe lyashi ilyakuma ifwe bonse, ilyashi lya mfwa ya muntu twatemwa. Bushe na imwe mulesumina ukuti ukufwilwa umuntu mwatemwa cintu icilenga tuleba ne cikonko nga nshi? [Lekeni basuke.] Abengi basanga ukuti ili ilembo lilabasansamusha sana. [Belengeni Esaya 25:8.] Iyi magazini ilelanda pa bulayo ubusuma ubwaba mu Baibolo ubwa kuti imfwa ikapwa kabili abantu besu abafwa bakabuuka.”

Loleni! November-December

“Ndefwaya ukumfwa ifyo mutontonkanya pali ici cipusho: Bushe calyanguka ukuteka umutima nga tatwakwata sana ifyuma? [Lekeni basuke.] Moneni ifyo Baibolo ilanda. [Belengeni 1 Timote 6:8.] Iyi magazini ilelondolola ifyo tulingile ukumona ifyuma kabili ilelanda na pa fintu fitatu ifyacindama ifyo tushingashita ne ndalama.”