Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu January

“Abantu bamo basumina ukuti Baibolo ilalanda icishinka pa fya ku ntanshi. Bambi bamona ukuti mwaba fye ifya kutunganya fye ifyo umuntu engalondolwela mu nshila ishapusanapusana. Nga imwe mutontonkanyapo shani?” Lekeni basuke. Lyena bapeeleni Ulupungu lwa kwa Kalinda ulwa January 1, kabili belengeleni capamo no kulanshanya ifyebo fili pa kamutwe ka kubalilapo pe bula 16. Belengeniko ilembo nangu fye limo. Shalikeni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda January 1

“Bushe batini kuti twasambilila ifingi ku baume na banakashi aba lulumbi abaliko kale sana? [Lekeni basuke.] Ici cikomo cilanda pa muntu umo uwali uwa lulumbi nga nshi, kabili ena fye eka, e o beta mu Baibolo ati ‘Cibusa wa kwa Lesa.’ [Belengeni Yakobo 2:23.] Iyi magazini ilelondolola icalengele ukuti Lesa alemwita ati cibusa wakwe kabili ilelanda na pa fyo twingasambilila kuli Abrahamu.”

Loleni! October–December 2011

“Bushe batini umulumendo nelyo umukashana kuti aipekanya shani pa kuti akekale bwino nga akula? [Lekeni basuke. Lyena Belengeni Abena Efese 4:14.] Pa kuti ‘belasendwa nga ku mabimbi nangu ukutwalwa uku no ku,’ balingile ukukwata inshita ya kutontonkanya pa fingabafwa mu bwaice bwabo. Iyi magazini ilelondolola ifyo abacaice bengaba na maka ya kwiluka, ifyo bengalatungululwa ku bakalamba no kulaisakamana.”