Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu November

“Fwe bengi tulafwaya imitekele iisuma. Bushe mulemona ukuti buteko nshi ubwingapwisha amafya ayo abantu bakwata? [Lekeni basuke.] Moneni ifyo iyi magazini ilelanda.” Lyena peleni abo mulelanda nabo Ulupungu lwa kwa Kalinda ulwa November 1, kabili belengeleni capamo no kulanshanya ifyebo fili pa kamutwe ka kubalilapo pe bula 16, belengeniko ne lembo limo. Bapeeleni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda November 1

“Tulefwaya ukumfwa ifyo mwingasuka ici cipusho. Nga mwalikwete ishuko lya kwipusha Lesa, cipusho nshi mwingamwipusha? [Lekeni basuke.] Yesu atile caliba fye bwino ukufwaya ifyasuko ku fipusho twakwata. [Belengeni Mateo 7:7.] Iyi magazini naikwata ifyasuko fya mu Baibolo kuli ifi fipusho fitatu.” Langeni abo mulelanda nabo ifipusho fili pa mpela ye bula 3.

Loleni! October–December

“Muno nshiku, abantu abengi balatiina ukwenda beka maka maka ubushiku. Bushe mulemona ukuti finshi twingacita pa kuti mu calo mubeko umutende? [Lekeni basuke.] Iyi magazini ilelanda pa fyo bonse twingacita pa kuti tuleumfwana na banensu. Nailanda ne fyo aya mashiwi ya mu Baibolo aya kukoselesha yakafikilishiwa.” Belengeni Amalumbo 72:7.