Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu November

“Bushe muletontonkanya abantu abomfwila Lesa balaba ne nsansa? [Lekeni basuke.] Muli ici cipande muli ifyebo ifisuma nga nshi.” Lyena peeleni umwine wa ng’anda Ulupungu lwa kwa Kalinda ulwa November 1, kabili belengeni no kulanshanya ifyebo ifili pa ka mutwe kamo pa tumitwe tuli pa mabula 16 na 17. Belengeniko ilembo nangu fye limo. Shalikeni magazini, kabili lanshanyeni ilyo mukabwelelako ku kuya-asuka icipusho cimbi

Ulupungu lwa kwa November 1

“Abantu bamo batila ifyo Baibolo ilandapo pa kwampana kwa mwaume no mwanakashi tafibomba mu nshita yesu kabili batila Baibolo yalikosha sana ili funde. Bamo batila ifyo Baibolo ilanda fyaliba fye bwino. Na imwe muletipo shani? [Lekeni basuke.] Moneni ifyo ili lembo lyalondolola intulo ya mafunde yaba mu Baibolo. [Belengeni 2 Timote 3:16.] Iyi magazini ilelanda pa fipusho 10 ifyaseeka ifyo Baibolo yasuka pa kwampana kwa mwaume no mwanakashi. Ilelanda na pa fyo twinganonkelamo nga tulekonka ifyo Baibolo ilanda.”

Loleni! October–December

“Twamitandalila lelo, tulelanshanya na bantu fye bonse pali ici cipusho. Bushe batini bwafya nshi ubukalamba sana ubo abafyashi bakwata pa kukusha abana shino nshiku? [Lekeni basuke.] Abafyashi abengi bacetekela ukupanda amano ukwaba mu Baibolo. Ku ca kumwenako, aya mashiwi ya mano yalabomba bwino pa kusalapula abana. [Belengeni Abena Efese 4:31.] Iyi magazini ilelangilila ifyo ukupanda amano ukwaba mu Baibolo kwingafwa abafyashi ilyo balekusha umwana ukutula ku bunya ukufika ku bupungwe.”