Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu December

“Umuntu onse alakabila ukukwata ifibusa, bushe te ifyo? Nomba, mibele nshi mwingatemwa sana cibusa wenu ukukwata? [Lekeni basuke.] Moneni ifyo iyi magazini ilelanda pa fyo cawamina ukusala bwino ifibusa fyesu.” Bapeeleni Ulupungu lwa kwa Kalinda, ulwa December 1 kabili belengeni no kulanshanya ifyebo ifili pa ka mutwe ka kubalilapo akali pe bula 16. Belengeniko ilembo nangu fye limo. Shalikeni magazini, kabili lanshanyeni ilyo mukabwelelako ku kuya-asuka icipusho cimbi.

Ulupungu lwa kwa Kalinda December 1

“Bushe mulemona ukuti mulandu nshi amasanso yafulile ifi shino nshiku? [Lekeni basuke.] Baibolo yalisoobele ukuti inshita imo kukaba amasanso mu calo. [Belengeni Mateo 24:7, 8.] Iyi magazini nayasuka aya mepusho yakonkapo: Mulandu nshi amasanso yafulile fi shino nshiku? Bushe ni Lesa aletukanda? Finshi fingalenga twasumina ukuti Lesa akapwisha amasanso yonse nomba line?”

Loleni! October–December

“Ubushiku bwa lelo tuleshimikila ku ndupwa. Mafya nshi ayakalamba mwaishiba ayo abafyashi bakwata pa kukusha abana? [Lekeni basuke.] Abafyashi abengi bakonka ukupanda amano ukwaba mu Baibolo. Ku ca kumwenako, ifi fyebo fya mano filaafwa abafyashi ilyo balesalapula abana. [Belengeni Abena Efese 4:31.] Iyi magazini ilelanda pa kupanda amano ukwaba mu Baibolo ukwingafwa abafyashi ifya kucita pa kukusha abana, ukutendeka fye ilyo bali abaice sana ukufikila bakula.”