Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu December

“Abantu abengi pali ino nshita baletontonkanya sana pali Yesu. Bushe imwe mumona ukuti cinshi icikalamba sana ico Yesu acitile? [Lekeni basuke.] Moneni ifyo umutwe uuli pe bula 16 ulelanda.” Peeleni abo mulelanda nabo Ulupungu lwa kwa Kalinda ulwa December 1, kabili salenipo akamutwe kamo no kulanshanya nabo ifyebo filipo, salenipo ne lembo limo no kubabelengela. Shalikeni magazini, kabili bepusheni icipusho na cimbi no kupangana ilyo mukabwelelako.

Ulupungu lwa kwa Kalinda December 1

“Abantu abengi pali ino nshita baletontonkanya sana pali Krisimasi. Pali ifi fishinka ifili apa, ni cili kwi muletontonkanya ukuti e cintu cacindama ico abantu bafwaila ukusefesha Krisimasi? [Balangeni ifishinka fili pe bula 3 kabili lekeni basuke. Lyena kupukuleni pe bula ilikwete icipande icilelanda pa cishinka basala no kubelenga ilembo apali icishinka cikalamba.] Iyi magazini nailanda pa nshila twingalaibukishishamo Yesu cila bushiku, mu nshita ya kulamwibukisha fye pa nshita ya Krisimasi.”

Loleni! October–December

“Nga kuti mwayalulako fimo mu calo, finshi mwingatemwa ukwalula? [Lekeni basuke.] Baibolo yalilanda umulandu abantu bafililwa ukuwamya ifintu. [Belengeni Yeremia 10:23. Kupukuleni magazini pe bula 19 na 20.] Ici cipande nacilondolola ifyo Lesa ali no kwalula.”