Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu December

“Tulelanshanya na bantu pa fingafwa indupwa. Abafyashi abengi balafwaya abana babo ukutemwa Lesa. Lelo bushe kuti mwatila abafyashi e bafwile ukusambilisha abana babo ukutemwa Lesa nelyo abana bafwile ukuisambilisha fye abene?” Lekeni basuke. Lyena balangeni ifyebo ifili ku nkupo ya ku numa ya Ulupungu lwa kwa Kalinda ulwa December 1, no kulanshanya ifyebo ifili pa cipusho ica kubalilapo kabili belengeniko ne lembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda December 1

“Twamutandalila pa kuti tulanshanyeko panono pali Lesa. Twalishiba ukuti ifyo ifwe bonse twaishiba pali Lesa fyalipusanapusana. Bushe mwaishiba ukuti abantu abengi bamona ukuti Lesa aba fye ukuli konse nelyo bamumona ukuti ni cibusa uubasakamana? [Lekeni basuke.] Baibolo ilatweba bucibusa Lesa afwaya tukwate. [Belengeni Yakobo 4:8a.] Ino magazini ilelanda pa fintu fitatu ifingatwafwa ukupalama kuli Lesa.

Loleni! November–December

“Tulelanshanya na bantu mu kwipifya pa kuti tusange icasuko kuli ici cipusho. [Belengeni magazini.] Batini bushe umuntu alingile ukuba ne cuma pa kuti atungulukuke? [Lekeni basuke.] Baibolo yalilanda pa fyo tufwile ukumona ifyuma. [Belengeni Luka 12:15.] Baibolo itila, bonse fye kuti twatunguluka. Ino magazini nailanda pali ili lyashi.”