Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu May

“Tuletandalila abantu pa kuti twingalanshanya ici cipusho cacindama. [Balangeni icipusho ca kubalilapo icili ku numa ya Ulupungu lwa kwa Kalinda ulwa May 1] Nga imwe mutontonkanyapo shani?” Lekeni basuke. Lanshanyeni ifyebo fili pe samba lya cipusho, kabili belengeniko ne lembo limo ilishambwilwe. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda May 1

“Twamutandalila pa mulandu wa kuti abantu abengi balafwaisha ukwishiba ifyo ifintu fikaba ku ntanshi. Nga mwatontonkanya pa fya ku ntanshi, mumfwa shani? Bushe mumona ukuti fikawama nelyo iyo? [Lekeni basuke. Lyena babelengeleniko ilembo limo mu kabokoshi akaleti “Ifyo Lesa Asokolola Ukuti E Fikacitika ku Ntanshi.”] Iyi magazini ilelanda pa fintu fimo fimo ifyo Lesa atila fikacitika no mulandu twingacetekelela ukuti fikacitika.”

Loleni! March-April

“Bushe batini kuti mwasumina ukuti indupwa shilekwata sana amafya muno nshiku? [Lekeni basuke] Muli Baibolo, mwaba ili pinda ililanda pa fingaafwa ulupwa ukwikatana no kulaumfwana sana. [Belengeni Amapinda 24:3.] Abengi basanga ukuti muli Baibolo mwaliba ukupanda amano ukusuma. Iyi magazini ilelanda pali Webu saiti iisuma iyakwata ifyebo ifingafwa ulupwa. Na kuba, pa kukopolola ifyebo pali iyi Webu saiti tabalipilisha.”