Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu February

“Abantu tulanda nabo batontonkanya ifyalekanalekana pali Baibolo. Bamo basumina ukuti Baibolo Cebo ca kwa Lesa, e lyo bambi bena batila Baibolo tayapusana ne fitabo fimbi. Inga imwe, mutontonkanyapo shani?” Lekeni basuke. Lyena balangeni ifyebo fili ku nkupo ya ku numa ya Ulupungu lwa kwa Kalinda ulwa February 1, no kulanshanya ifyebo fili pa cipusho ca kubalilapo kabili belengeniko ne lembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda February 1

“Abantu abengi kuti batemwa sana nga ca kuti inkondo mu calo shalipwile. Bushe batini inkondo shikatala ashipwa mu calo? [Lekeni basuke.] Moneni ifyo Baibolo yatulaya. [Belengeni Amalumbo 46:⁠9.] Na kuba, ifyacitika ukutula ilyo kwali Inkondo ya Calo iya Kubalilapo ukushinta na lelo filenga twashininkisha ukuti nomba line Lesa alafikilisha ubu bulayo no kupwisha inkondo mu calo umuyayaya. Iyi magazini nailondolola bwino ili lyashi.”

Loleni! January–February

“Fwe bengi tulapingulapo ifya kucita pa mulandu wa fyo tumfwa nelyo ukubelenga ku basabankanya amalyashi. Bushe ilyashi tumfwa lyonse liba lya cine kabili ilyo twingacetekela? [Lekeni basuke.] Baibolo itweba kuti tulingile ukucenjela no kukanacetekela ilyashi lyonse ilyo twaumfwa. [Belengeni Yobo 12:11.] Iyi magazini iletweba ifingatwafwa ukwishiba bwino nga ca kuti ilyashi tuleumfwako nelyo ukubelenga lya cine.”