Ifya Kulanda pa Kushalika Magazini

Ulupungu lwa kwa Kalinda February 1

“Bushe batini fwe bantunse kuti twaishiba ifyo Lesa aba? [Lekeni basuke.] Ninkwata ifisuma sana ifilelanda pali ili lyashi.” Belengeni no kulanshanya ifyebo ifili pe samba lya cipusho ca bubili pe bula 16 no kubelenga ilembo limo ilishambwilwe. Shalikeni magazini, kabili pekanyeni ukuti ilyo mukabweleleko mukeselanshanya icipusho ca butatu.

Loleni! January–March

“Abengi balepusha ukuti, ‘Nga ca kuti Lesa cine cine e ko aba, mulandu nshi ashaonawila Satana?’ Bushe na imwe mwalitontonkanyapo ifya musango yu? [Lekeni basuke.] Ici cipande icili pe bula 10 na 11 cileasuka aya mepusho ukubomfya Baibolo. E lyo ciletweba ne fyo icalo cikaba ilyo Satana bakamufumyapo.” Belengeni Ukusokolola 21:3, 4.

Ulupungu lwa kwa Kalinda March 1

“Inte sha kwa Yehova balishibikwa pa mulandu wa kushimikila icebo. Bushe mwalitala amutontonkanyapo icalenga ukuti baleshimikila? [Lekeni basuke.] Umfweni ifyo Baibolo yalondolola. [Belengeni Mateo 24:14.] Iyi magazini ileasuka aya mepusho aya kuti: Bushe iyi mbila nsuma e nshi? Bushe Ubufumu cinshi? Nge mpela iili no kwisa ni mpela nshi?”

Loleni! January–March

Belengeni 2 Timote 3:16. Lyena landeni ukuti: “Bushe na imwe mwalisumina ukutila tufwile ukucetekela fyonse ifyo Baibolo ilanda? [Lekeni basuke.] Ici cipande ciletweba pa fintu bashula mu mushili na pe lyashi lya fyacitike kale, ifyo fyumfwana ne fyo Baibolo yalandapo pa calo ca Asiria.” Balangeni icipande icili pe bula 28.