Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu February

“Abantu abengi baishiba ukuti Satana Kasebanya e ulenga ukuti ifintu fyabipa filecitika mu calo. Lelo balayipusha ukuti: ‘Ni kwi Satana afumine? Bushe ni Lesa wamupangile?’ Nga imwe muletontonkanyapo shani? [Lekeni basuke.] Umfweni ifyo iyi magazini ilelanda.” Balangeni icipande icili ku nkupo ya ku numa iya Ulupungu lwa kwa Kalinda ulwa February 1, kabili lanshanyeni paragrafu ya kubalilapo no kubelenga ilembo ililimo. Bapeeleni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda February 1

“Tulefwaya mutwebeko ifyo mutontonkanya pa muntu umo uo bacindika sana ku bena Kristu, abaYuda, na baShilamu. No yu muntu ni Mose. Nga mwaumfwa fye ishina lya kuti Mose, finshi mutontonkanyapo? [Lekeni basuke.] Nangu ca kuti alelufyanya, Baibolo yalilanda ifisuma sana pali ena. [Belengeni Amalango 34:10-12.] Iyi magazini ilelanda pa mibele yakwe itatu kabili ilelanda na pa fyo twingamupashanya.”

Loleni! January–February

“Tuletandalila indupwa pa kuti tulanshanye nabo ifyebo fimo ifingabafwa. Bushe muletontonkanya ukuti calicindama indupwa ukulakonka aya amashiwi ya kwa Yesu? [Belengeni Imilimo 20:35b. Lekeni basuke.] Calyafya ukusambilisha abana ukukanaba abaitemwa muli cino calo umo abantu batontonkanya fye pa fingabawamina. Iyi magazini nailanda pa fintu fimo ifingafwa abafyashi ukukusha bwino abana pa kuti baletontonkanya na pa fingawamina abantu bambi.”