Ifya Kulanda Pali Bamagazini

Ulupungu lwa kwa Kalinda May 15

“Bushe kuti mwaasuka shani ici cipusho? [Belengeni icipusho cili pa nkupo. Lyena muleke basuke.] Baibolo yalitweba umulandu twingakwatila isubilo. [Belengeni Mateo 6:9, 10.] Iyi magazini ilelondolola ifyo Ubufumu bwa kwa Lesa bukalenga ukufwaya kwa kwa Lesa ukucitwa pano nse.”

Loleni Apr.–June

“Ndefwaya ing’umfwe ifyo mwingalanda pali ili lembo. [Belengeni Yohane 6:15.] Bushe Yesu aba pa calo pali ino nshita kuti asuminisha Abena Kristu ukuitumpa mu fikansa fya calo? [Lekeni basuke.] Iyi magazini ilelanda ifyo Baibolo yalanda pa Bena Kristu, nampo nga kuti baitumpa mu fikansa fya calo nelyo iyo.”

Ulupungu lwa kwa Kalinda June 1

“Cila bushiku kano fye mumfweko ilyashi lya bantu bacitile ifyabipa. [Landeni icacitike nomba line icishibikwe ku bantu.] Bushe limo tamutontonkanyapo ukuti limbi kwaba umuntu uushimoneka uusonga abantu ukucita ifi fintu? [Lekeni basuke. Lyena Belengeni Ukusokolola 12:12.] Iyi magazini nailondolola ifyo twingaicingilila.”

Loleni Apr.–June

“Kuti mwaasuka shani ici cipusho: Myaka inga umukashana no umulumendo balingile ukukwata pa kutendeka ukwishishanya? [Lekeni basuke. Lyena belengeni Abena Galatia 6:7.] Ici cipande nacilondolola ilyo umukashana no umulumendo bafwile ukutendeka ukwishishanya e lyo ne cifwile ukulenga balecite co, kabili ifi fyebo fileafwa abatendeka kale ukwishishanya ukutontonkanyapo pa calenga ukutila baleishishanya pa kuti ku ntanshi umo tacimubipile.”