Ifya Kulanda pa Kushalika Magazini

Ulupungu lwa kwa Kalinda July 1

“Fwe bengi tulafilwa ifya kulanda ku munensu nga ca kuti alilwala ubulwele ubushipola. Bushe batini ili ilembo kuti lyamwafwa? [Belengeni Yakobo 1:19. Lyena lekeni basuke.] Ici cipande cilelanda pa fintu fisuma fimo fimo ifyo mwingacita ifyaba muli Baibolo.” Balangeni icipande citendekele pe bula 10.

Loleni! July–September

“Cimoneka kwati tatwakwata inshita ya kupwisha fyonse ifyo tufwaya ukucita. Bushe na imwe mulesumina? [Lekeni basuke.] Abengi basanga ukuti aya mashiwi ayasuma ayaba pali ili ilembo yalafwa. [Belengeni Abena Filipi 1:10.] Iyi magazini ilelanda pa fintu fimo ifingatwafwa pa kuti tulebomfya bwino inshita.” Balangeni ilyashi ilitendekele pe bula 25.

Ulupungu lwa kwa Kalinda August 1

“Abantu abengi balatiina ukuti inkondo ya fyanso ifyakalipisha nelyo ukwaluka kwa fintu mu calo pamo nga ukukaba no kutalala, imfula ne fintu fimbi e fikalenga isonde ukonaika. Bushe mumona ukuti ifi fikacitika? [Lekeni basuke.] Umfweni ifyo Baibolo yalandapo pali ili lyashi. [Belengeni Ukusokolola 11:18.] Iyi magazini ileasuka amepusho yane ayo abengi batemwa ukwipusha pa fyo icalo cikapwa.”

Loleni! July–September

“Abantu abengi kuti batemwa ukuleka ukupeepa fwaka lelo cilabakosela. Bushe mwalishibapo bamo abafwaya ukuleka ukupeepa fwaka? [Lekeni basuke.] Bamo basanga ukuti cilawama ukulomba ifibusa fyabo na balupwa ukuti babafwe. [Belengeni Lukala Milandu 4:12a.] Iyi magazini ilelanda pa fintu fimo ifingafwa umuntu ukuleka ukupeepa fwaka.”