Ifya Kulanda pa Kushalika Magazini

Ulupungu lwa kwa Kalinda July 1

“Bushe kuti mwaba ne nsansa muli cino calo ca mafya? [Lekeni basuke.] Moneni ifyo Baibolo isosa pa Abena Filipi 4:6, 7. [Belengeni.] Ici cipande cilelanda pa fyo twingakwata umutende ukufuma kuli Lesa.” Landeni pa cipande icitendekele pe bula 10.

Loleni! July–September

“Nga fintu mwaishiba kwaliba abantu abengi abatila ukuponya ifumo kwaliba fye bwino e lyo bambi nabo batila cilubo. Bushe muletontonkanya Baibolo kuti yayafwa uulefwaya ukuponya ifumo ukwishiba nampo nga afwile ukuponya ifumo nelyo iyo? [Lekeni basuke. Lyena belengeni 2 Timote 3:16, 17.] Ino magazini ilelanda ifyo Baibolo isosa pali ili lyashi.“

Ulupungu lwa kwa Kalinda August 1

“Abantu bamo batila imipepele yonse yaba kwati misebo iyaya kuli Lesa umo wine. Bushe muletontonkanya ukuti imipepele yonse yaliba fye bwino? [Lekeni basuke. Lyena belengeni Mateo 7:13, 14.] Ino magazini ilelanda pa fintu fitatu ifyo Baibolo isosa ukuti e fyo imipepele iisuma ifwile ukukoselesha abantu ukuba.”

Loleni! July–September

“Abana be sukulu abengi balamoneka ukunaka sana. Bushe mulemona ukuti ifintu fyalyaluka ukucila ifyo fyali ilyo abafyashi babo baleya ku sukulu? [Lekeni basuke.] Umuntu ngalekwata ifya kucita ifingi kuti alenkaka sana. [Belengeni Lukala Milandu 7:7a.] Ino magazini ilelanda pa fyo abakalamba bengafwa abaice ukwishiba ifya kucita pa kuti belanaka sana.“ Balangeni icipande icitendekele pe bula 11.