Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu June

“Tulelanshanya na bantu pa nshita fye iinono pali ici cipusho icacindama. [Balangeni icipusho ca kubalilapo ku numa ya Ulupungu lwa kwa Kalinda ulwa June 1.] Muletipo shani?” Lekeni basuke. Lanshanyeni nabo ifyebo fili pa cipusho ca kubalilapo e lyo mubelenge ne lembo limo nelyo ukucilapo. Bapeeleni magazini kabili panganeni ilyo mukalanshanya icipusho cakonkapo.

Ulupungu lwa kwa Kalinda June 1

“Cila mwaka abantu nalimo 6,000,000 balafwa pa mulandu wa kupeepa fwaka. Bushe mulemona ukuti kuli ifyo abantu bengacita pa kucefyako ubu ubwafya? [Lekeni basuke.] Abengi tabapeepa fwaka e lyo bambi balileka ukupeepa pa numa ya kwishiba ifyo Lesa amona ukupeepa. Ku ca kumwenako, ili ilembo lyalilenga bamo ukutontonkanya pa fyo ukupepa kukuma abantu bambi. [Belengeni 1 Abena Korinti 10:24.] Iyi magazini ilelondolola ifyo ukutontonkanya pa fyo Lesa amona ukupeepa kwingalenga umuntu ukuleka ukupeepa.”

Loleni! May–June

“Twamutandalila ukuti tulanshanyeko na imwe pa bwafya ubuseekele sana. Abantu bamo balomfwa sana ububi pa mafya bakwata mu bumi ica kuti balafwaya no kuipaya. Batini bushe umuntu nga aletontonkanya ifya musango uyu ninshi cine cine alefwaya ukufwa nelyo kufwaya ukuti amafya alekwata yafumepo? [Lekeni basuke.] Ifyalembwa pali ili ilembo fyalyafwa abantu abengi ukukanaba abapelelwa lintu bakwata amafya. [Belengeni Ukusokolola 21:3, 4.] Iyi magazini ilelanda pa milandu itatu iyo umuntu ashilingile ukuyipaila nangu nakwata amafya.”