Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu June

“Bonse twalifwilwapo ba lupwa ne fibusa. Bushe mulenekela ukuti mukabamonapo na kabili? [Lekeni basuke.] Umfweni aya mashiwi ya kukoselesha.” Belengeleni capamo ifyebo fili pa kamutwe ka kubalilapo pe bula 16 mu Ulupungu lwa kwa Kalinda ulwa June 1 ne lembo limo ilishambwilwe. Shalikeni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda June 1

“Fwe bengi tulalwisha pa kuti fye tusanga umwa kulila, e lyo bambi na bo tabakwata ne fintu ifyo bakabila mu bumi. Bushe muletontonkanya kukabako inshita ilyo kushakabe abapiina? [Lekeni basuke. Lyena belengeni Amalumbo 9:18.] Iyi magazini iletweba icalenga ukuti kube ubupiina kabili iletweba ne co Baibolo yalanda ukuti e cikapwisha ubupiina.”

Loleni! April–June

“Apo abantu abengi balacula na malwele, tulebelengela abanensu ili ilembo. [Belengeni Esaya 33:24.] Ilyo aya mashiwi yakafikilishiwa, bushe mulemona ukuti ubumi pano calo bukaba shani? [Lekeni basuke.] Ilyo Lesa ashilafikilisha aya mashiwi, kuliko fimo ifyo bonse twingacita pa kuti ubumi bwesu bubeko bwino. Iyi magazini nailondolola.”