Ifya Kulanda Pali Bamagazini

Ulupungu lwa kwa Kalinda May 15

“Bushe kuti mwatemwa ukwikala mu calo caba nge fi ili lembo lyalanda? [Belengeni 2 Petro 3:13. Lyena lekeni basuke.] Iyi magazini ilelondolola ifyo imyulu ipya ne sonde lipya fyaba. Ilelondolola ne fyo abantu bakalaikala ilyo Lesa akafikilisha ukufwaya kwakwe kwi sonde.”

Loleni Apr.–Jun.

“Apo ifintu tafishibikwa, bushe mulemona kwati tufwile ukulaikala shani pali lelo ilyo icabipa ico mushileenekela tacilacitika? [Lekeni basuke.] Iyi magazini ilelanda pa mukashana, uwalemana ukutendekela mu musana ukufika ku makasa, lelo uwa mukoosha mu kufwaya ukucindika Kabumba wakwe.” Belengeni Esaya 35:6.

Ulupungu lwa kwa Kalinda June 1

“Mu ntambi ishingi, kwali inshita iyo abakote balesungwa bwino kabili balebacindika nge fi ili funde lya kale lyalandile. [Belengeni Ubwina Lebi 19:32.] Bushe batini uyu mucinshi ucilipo? [Lekeni basuke.] Iyi magazini ilelanda pa fyo Lesa asakamana abakote ne fyo na ifwe twingabasakamana.”

Loleni Apr.–Jun.

“Muno nshiku, ukuli konse fye uko mwingaba, cibe ni ku sukulu nangu limbi mulekutika ku fyo abakalamba balelanshanya kulaba itunko lya kucita icabipa. Bushe pali ico twingacita pa kuti tuicingilile? [Lekeni basuke. Lyena belengeni Amapinda 22:3.] Ici cipande cilelanda pa fyo twingacita pa kuti twiiletelela ubwafya.”