Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu October

“Tulelanshanya na bantu pa nshita fye iinono pa buteko ubusuma. Muletipo shani, bushe mutontonkanya ukuti kwaliba ubuteko ubwingapwisha amafya pamo nga ubunkalwe no mutitikisha?” Lekeni basuke. Lyena bebeni ukuti ilyo Yesu alelanga abasambi ifya kupepa, abebele ukulapepa ukuti Ubufumu bwa kwa Lesa bukese, pantu e bukapwisha amafya yonse. Lyena balangeni ifyebo fili ku nkupo ya ku numa ya Ulupungu lwa kwa Kalinda ulwa October 1, no kulanshanya ifyebo fili pa cipusho ca kubalilapo kabili belengeniko ne lembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda October 1

“Tulelanshanya na bantu pa nshita fye iinono pa mashiwi Yesu alandile ilyo alelanga abasambi bakwe ifya kupepa. [Belengeni Mateo 6:9, 10.] Bushe mwalishiba ubu Ubufumu bwa kwa Lesa no mulandu Yesu alebulandilapo sana ilyo alesambilisha? [Lekeni basuke.] Muli iyi magazini muli ifyo Baibolo yalanda pali ubu Bufumu, e lyo ne fintu ifisuma ifyo bukacitila abantunse.”

Loleni! September–October

“Inshita iili yonse, umuntu kuti aba no bwafya. Nalimo kuti aponenwa no busanso ubwalengwa ne fya bumbwa, ubulwele ubukalamba, nelyo imfwa ya mutemwikwa. Bushe batini, calicindama ukukanasakamikwa sana ifintu fya musango yu nga fyatucitikila? [Lekeni basuke.] Abantu abengi basanga ukuti Baibolo ilabafwa sana nga baponenwa no bwafya.[Belengeni Abena Roma 15:4.] Iyi magazini ilelondolola ifyo Baibolo ingatwafwa ilyo twaponenwa no bucushi.”