Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu October

“Ilelo tuletandalila abena mupalamano. Abengi abo tulandile nabo batile, imfwa ya muntu batemwa e cintu icabipisha pali fyonse ifyabacitikilapo. Bushe na imwe e fyo mumfwa? [Lekeni basuke.] Ifyebo fili apa nafinkoselesha sana.” Balangeni ifyebo fili ku nkupo ya ku numa iya Ulupungu lwa kwa Kalinda ulwa October 1, lyene lanshanyeni ifyebo fili pa cipusho ca kubalilapo kabili belengeniko ne lembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda October 1

“Tuletandalila abena mupalamano ku kubakoselesha ukulabelenga Baibolo. Twalishiba ukuti abantu bamo balomfwa bwino sana ukubelenga Baibolo, lelo kwaba na bashifwaya. Inga imwe, bushe mwalitemwa ukubelenga Baibolo? [Lekeni basuke.] Moneni ifyo Baibolo ilanda pali ili lembo. [Belengeni 1 Abena Tesalonika 2:13.] Ndemona na imwe kuti mwasumina ukuti nga ca cine Baibolo citabo icafuma kuli Lesa, ninshi tulingile ukulaibelenga. Iyi magazini nailondolola mu kwipifya ifyaba mu Baibolo no mulandu tufwile ukulaibelengela.”

Loleni! September-October

“Fwe bengi tulafwaisha ukwikala imyaka iingi. Bushe mumona ukuti kasuba kamo ukulunduluka kwa sayansi kukalenga abantu ukulaikala umuyayaya? [Lekeni basuke.] Umfweni ubulayo ubusuma ubwaba pali ili ilembo. [Belengeni 1 Abena Korinti 15:26.] Nomba bushe Lesa akalenga shani ubu bulayo ukucitika? Bushe akabomfya sayansi nelyo akabomfya inshila shimbi? E lyo mulandu nshi pali ino nshita tukotela no kufwa? Iyi magazini ilelondolola ifyo Baibolo yasuka aya mepusho.”