Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu October

“Muli shino nshita shayafya, bonse tulakwata amafya ayatitikisha indupwa. Ni kwi muletontonkanya uko twingasanga ubutungulushi bwa cine ubwingafwa ulupwa lwesu ukuba ne nsansa?” Lekeni basuke. Lyena peeleni umwine wa ng’anda Ulupungu lwa kwa Kalinda ulwa October 1, kabili lanshanyeni ifyebo ifili pa tumitwe utuli pa mabula 16 na 17 no kulandako pe lembo nangu fye limo pa yashambwilwe. Shalikeni magazini, kabili lanshanyeni ilyo mukabwelelako ku kuyalanshanya ifipusho fimbi.

Ulupungu lwa kwa Kalinda October 1

Langeni uo muleshimikilako ibula lya kubalilapo ilya magazini no kumwipusha ati, “Kuti mwaumfwa shani nga mwaishiba ukuti ifyo mwaishiba pali Lesa fya bufi? [Lekeni basuke.] Moneni ifyo Yesu alandile pa fingatwafwa ukulekanya icine ku bufi. [Belengeni Yohane 17:17.] Kanshi Baibolo fye yeka e ingatweba icine pali Lesa. Iyi magazini ilelanda pa bufi 5 ubwaseeka ubo abengi basambilisha pali Lesa, ubo Baibolo yalandapo.”

Loleni! July–September

“Bushe mulesumina ukuti ukufwilwa umuntu twatemwa e bwafya ubwacila amafya yonse? [Lekeni basuke.] Abengi balisanga ukuti amashiwi ayaba pa Amalumbo 55:22 yalabafwa sana. [Belengeni.] Iyi magazini ilelanda pa fintu fimo ifingatwafwa ukwishiba ifya kucita lintu twafwilwa, kabili ilelanda na pa fyo twingapoosa icisendo pali Lesa.”