Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu August

“Ilelo ilyo abantu baletontonkanya pali Yesu bamona kwati aba filya fine ali imyaka 2,000 iyapitapo, kwati kanya mu mulimba nelyo kwati muntu uo bapoopele pa cimuti. Inga imwe, finshi ifyo mutontonkanya pali Yesu? [Lekeni basuke.] Moneni ifyo iyi magazini ilelanda.” Peeleni abo mulelanda nabo Ulupungu lwa kwa Kalinda ulwa August 1, kabili lanshanyeni ifyebo ifili pa kamutwe ka kubalilapo pe bula 16 kabili belengeniko ilembo limo. Bapeeleni magazini, bepusheni icipusho na cimbi kabili panganeni ilyo mukabwelelako pa kuti mukayebasuka.

Ulupungu lwa kwa Kalinda August 1

“Abantu abengi basumina ukuti ifipesha amano filacitika, e lyo bambi balatwishika nga filacitika. Nga imwe, bushe mutontonkanya ukuti ifipesha amano ca cine kuti fyacitika? [Lekeni basuke.] Umfweni icipesha amano ico Baibolo yalandapo icikacitika ku ntanshi icilenga abantu abengi ukuba ne subilo. [Belengenipo ilembo limo pa yali pa mabula 9 na 10.] Iyi magazini nailanda pa fintu fitatu ifilenga bamo ukutwishika nga ca kuti ifipesha amano kuti fyacitika.”

Loleni! July–September

“Tuletandalila abakwata indupwa. Bushe na imwe mulesumina ukuti indupwa ishingi shili na mafya? [Lekeni basuke.] Moneni uko indupwa ishingi shisanga ifyebo ifisuma ifibafwa. [Belengeni Amalumbo 119:105.] Ino magazini ilelanda pa mafunde ya mu Baibolo ayo ababa mu ndupwa umwaba abana abashili ba kuifyalila bengakonka ilyo bakwata amafya.”