Bafweni “Ukuba ne Citetekelo Icakosa”

Ala mwandini tulaba ne nsansa ukumona ifyo Yehova alepaala umulimo wa kulonganika abantu bakwe, pantu abantu ukucila pali 250,000 e babatishiwa cila mwaka. (Amala. 28:2) Ilyo kasabankanya asambilisha umuntu mpaka abatishiwa, ilingi Kasabankanya alaleka ukusambilila nankwe no kubika amano kuli bambi. Umusambi na o kuti aleka ukusambilila no kubika sana amano ku kushimikila. Lelo kwena calicindama ukuti abasambi ba Baibolo bakwate umufula uwakosa ilyo baisa mu cine. Balingile ‘ukuba abalimbwa’ muli Kristu no “kuba ne citetekelo icakosa.” (Kol. 2:6, 7; 2 Tim. 3:12) Kanshi ilyo umusambi abatishiwa alingile ukutwalilila ukusambilila Baibolo mpaka fye apwisha ifitabo fyonse fibili, icitabo ca Ico Baibolo Isambilisha ne citabo ca “Ikalilileni mu Kutemwa kwa kwa Lesa.”—Moneni Ubutumikishi Bwesu Ubwa Bufumu ubwa April 2011 pe bula 2.