Ukulongana kwa mu Mulungu wa April 28

Ulwimbo 35 ne Pepo

Isambililo lya Baibolo Ilya pa Cilonganino:

cl icipa. 6 amapara. 9-15 (30 min.)

Isukulu lya Butumikishi Ilya Bulesa:

Ukubelenga Baibolo: Ukufuma 19-22 (10 min.)

Ukupituluka mwi Sukulu lya Butumikishi Ilya Bulesa (20 min.)

Ukulongana kwa Mulimo:

Ulwimbo 113

5 min: Tendekeni Amasambililo ya Baibolo pa Cibelushi ca Kubalilapo. Ilyashi. Londololeni ifyo baeluda bapekenye ukubomba pa Cibelushi ca kubalilapo mu May, kabili koselesheni bakasabankanya bonse ukubombako. Citeni icilangililo, mubomfye ifyebo fili pe bula 8.

15 min: “Amatrakiti Yapya Yalipangwa Bwino Sana!” Ifipusho ne fyasuko. Citeni icilangililo ca mbali shibili. Mu cilangililo ca kubalilapo langilileni ifyo twingashalika aya matrakiti ayapya ku ng’anda ne ng’anda. Lyene mu cilangililo ca bubili, langilileni ifyo twingacita icipempu kubo twashilile trakiti abalefwaya ukwishibilapo na fimbi.

10 min: Abateyanishiwa nga Bakasambilisha wa Cebo ca kwa Lesa. Ilyashi lifumine mu Ulupungu lwa kwa Kalinda ulwa February 15, 2002 amabula 24-28. Bamo balatiina ukweba umuntu ukutila kuti batemwa ukulamusambilisha Baibolo pa mulandu wa kumona ukuti tabafikapo ukusambilisha. Na lyo line, ukupitila mu Cebo cakwe, umupashi wa mushilo e lyo no kuteyanya kwakwe, Yehova alatwafwa ukuba bakasambilisha bafikapo. Koselesheni bakasabankanya ukubika amano ku kutungulula amasambililo ya Baibolo.

Ulwimbo 75 ne Pepo