Umukululo Wa Mepusho

◼ Ni Lilali Tufwile Ukuleka Ukutungulula Isambililo lya Baibolo?

Nga ca kuti umusambi wa Baibolo aleka ukulunduluka, nalimo mu mucenjelo kuti mwaleka ukumusambilisha Baibolo. (Mat. 10:11) Ifyo mufwile ukutontonkanyapo: Bushe ubushiku twasala ukulasambilila Baibolo alabapo lyonse? Bushe alapekanishisha libeela isambililo? Bushe limo limo alasangwako mu kulongana? Bushe aleebako bambi ifyo asambilila? Bushe alabomfya ifyo asambilila mu Baibolo mu bumi bwakwe? Na lyo line, tufwile ukwibukisha ukuti ifyo abantu balunduluka filapusanapusana; kanshi kuti twamona umushinku afikilepo na amaka engakwata aya kubomfya ifyo alesambilila. Na kabili, nga twaleka ukumusambilisha Baibolo, tufwile no kumweba ukuti muntungwa ukutweba nga kuti afwaya ukutendeka ukusambilila Baibolo na kabili.—1 Tim. 2:4.