Bushe Kuti Mwabombako pa Mwaka Umo?

Ukubombako umulimo nshi? Bupainiya bwa nshita yonse! Ala mukapaalwa icine cine!—Amapi. 10:22.

NGA MWABOMBAKO BUPAINIYA, . . .

• mukeshiba bwino ifya kubila imbila nsuma kabili mukatemwa sana umulimo wa kushimikila

• mukakosha bucibusa mwakwata na Yehova. Nga mulelanda sana pali Yehova ku bantu bambi, e lyo mukalaibukisha sana imibele iisuma iyo akwata

• mukaba sana ne nsansa pantu ninshi muletangisha ifya Bufumu intanshi kabili muleipeelesha ukwafwa bambi.—Mat. 6:33; Imil. 20:35.

• mukalasangwako na ku kukumana kwa bapainiya ukubako mu mulungu waibela, ukukumana kwaibeela ukubako ilyo kuli ukulongana kwa muputule na kwi Sukulu lya Bapainiya

• mukalatendeka no kulatungulula amasambililo ya Baibolo ayengi

• mukalakwata inshita iikalamba iya kuba pamo na batemwa umulimo wa kushimikila kabili mukalakoseleshanya.—Rom. 1: 11, 12