Cinshi Mwatemenwa Ukupepa Kwasanguluka?

Icimonwa ce tempele ico Esekiele amwene calikoseshe abaYuda abali muli bunkole pantu calibapeele isubilo ukuti ukupepa kwasanguluka kwali no kubweshiwa. Muli shino inshiku sha kulekelesha, ukupepa kwasanguluka ‘kwalipampamikwa ukucila pa muulu wa mpili,’ kabili twaliba pa bantu ba mu nko abakonkomokelako. (Esa. 2:2) Bushe lyonse mulatontonkanya pe shuko mwakwata ilya kwishiba Yehova no kumubombela?

AMAPAALO YABA MU KUPEPA KWASANGULUKA:

• 

  Ifya kulya fya ku mupashi ifingi sana ifitwafwa ukusanga amasuko ku mepusho yacindama ayo twipusha, amashiwi ya kwa Lesa ayatutungulula cila bushiku, e lyo ne subilo lya cine cine.—Esa. 48:17, 18; 65:13; Rom. 15:4

• Aba bwananyina ba mwi sonde lyonse.—Amalu. 133:1; Yoh. 13:35

• Ishuko lya kubombela pamo na Lesa mu mulimo uulenga tuleba ne nsansa.—Imil. 20:35; 1 Kor. 3:9

• ‘Umutende wa kwa Lesa’ uutukoselesha ilyo twaba na mafya.—Fil. 4:6, 7

• Kampingu iisuma.—2 Tim. 1:3

• Bucibusa busuma na Yehova.—Amalu. 25:14

Ni nshila nshi shimo isho ningalangilamo ukuti nalitemwa ukupepa kwasanguluka?