Bupainiya

Tulabomfya bwino amaka yesu nga ca kuti tulepanga ifya kucita mu mulimo wa kwa Lesa. (1 Kor. 9:26) Ukupanga ifya kucita mu mulimo wa kwa Lesa kulalenga tulebomfya bwino inshita iisheleko ilyo impela ishilaisa. (Efes. 5:15, 16) Ilyo muli pa mapepo ya lupwa, kuti mwalanshanyako pa fyo mwingapanga ukucita mu mwaka wa mulimo uuleisa. Muli kano akatabo ka mikalile, muli ifipande ifingamwafwa ukwishiba imilimo iyo mwingapanga ukubombako nga ca kuti mwatontonkanyapo no kupepelapo.—Yako. 1:5.

Ku ca kumwenako nalimo kuti mwalanshanya ukuti umo mu lupwa lwenu akabombeko bupainiya lyena mwe bashala bonse mukalemutungilila. Nga ca kuti muletwishika nga kuti mwakumanisha amaawala yakabilwa, kuti mwalanshanya na bapainiya abakwetepo ubo ubwafya. (Amapi. 15:22) Nga mulefwaya, kuti mwaitako painiya umo ku mapepo ya lupwa no kumwipusha ifyo acita pa kuti alebomba bwino. Lyena kuti mwalembako ifyebo ifyo mwingabomfya. Nga ca kuti mwalibombelepo bupainiya ku numa, moneni nga kuti calinga ukubombako bupainiya ukulingana ne fyo ifintu pali ino nshita.

Bushe bamo mu lupwa lwenu kuti babombako bupainiya bwakwafwilisha pa mweshi umo nelyo ukucilapo? Nga mulebilako imbila nsuma imiku iingi mu mulungu pa maawala ayanono, nangu ca kuti amaka yenu nayacepa, nalimo na imwe bene kuti mwakumanisha ukubombako bupainiya bwakwafwilisha. Nga ca kuti tamukwata inshita iikalamba iya kubila imbila nsuma mu kati ka mulungu pa mulandu wa kuti mulabomba incito nelyo mulaya ku sukulu, nalimo kuti mwabombako bupainiya bwakwafwilisha mu mweshi uukwata imilungu 5 nelyo umweshi umukaba holide. Kuti mwalemba pali kalenda yenu imyeshi iyo mulefwaya ukubombako bupainiya bwakwafwilisha kabili tantikeni ifyo mukacita pa kuti mukabombeko.—Amapi. 21:5.

TAMBENI VIDIO ITILA MUFWILE UKUBA . . . PAINIYA UWASHIPA, LYENA ASUKENI ICIPUSHO CILI PE SAMBA:

• Bushe ifyacitikile nkashi Aamand fitusambilisha finshi pa fyo Yehova asakamana abaipeelesha ukubombako bupainiya?