Ilembo lya Mwaka wa 2013

“Shipa kabili kosa . . . Yehova Lesa obe ali na iwe.”—Yoshua 1:9.

Mu 1473 B.C.E., abena Israele bali-ipekenye ukwingila mu Calo ca Bulayo, lelo abalwani babo balefwaya ukubacilikila. E ico Lesa aebele Yoshua ati: “Shipa kabili kosa.” Ukumfwila amafunde ya kwa Lesa kwali no kulenga Yoshua ukubomba bwino umulimo apeelwe. Lesa amwebele ati: “Witutuma kabili witiina, pantu Yehova Lesa obe ali na iwe konse uko uleya.” Na cine Yehova ali nankwe, pantu abena Israele balicimfishe abalwani babo mu myaka fye 6.—Yosh. 1:7-9.

Abena Kristu ba cine muno nshiku bali no kwingila mu calo cipya, kanshi bafwile ukushipa no kukosa. Na ifwe kulaba abalwani abafwaya ukunasha icitetekelo cesu. Tatulwa ne mifwi na mafumo, lelo tulwa ne fyanso fya mampalanya, kabili Yehova alatusambilisha ukubomfya bwino ifi fyanso. Nangu ifintu fibipe shani, mufwile ukulaibukisha ukuti nga mwashipa, mwakosa no kutwalilila ukubombela Lesa, Yehova akaba nenu kabili akalenga mukacimfye.

[Icikope pe bula 2, 3]