Ifyacitike Umwaka Wapwile

Yehova alengele Esekiele ukumona icimonwa umwali iceleta ilikalamba ilimininako ukuteyanya kwa kwa Yehova ukwa ku muulu. Nangu ca kuti ili iceleta likalamba sana, lilabutuka nga nshi kabili lilaluka bwangu bwangu. (Esek. 1:15-28) Ifisuma ifyacitike uyu mwaka wapwile filelangilila ukuti ukuteyanya kwa kwa Yehova Lesa ukwa pe sonde nako kwine kulebombesha.