Milandu Nshi Ibili Iyo Lesa Ashasukila Amapepo Yamo?

Ifyo Baibolo ilanda

Kwaliba amapepo yamo ayo Lesa ashasuka. Lekeni tulande pa milandu ibili iyo Lesa ashasukila amapepo yamo.

1. Ifyo umuntu apepela nga tafileumfwana no kufwaya kwa kwa Lesa

Lesa tasuka amapepo nga ca kuti ifyo twalomba tafileumfwana no kufwaya kwakwe nelyo amafunde yakwe ayaba mu Baibolo. (1 Yohane 5:14) Ku ca kumwenako, Baibolo itweba ukukanaba abafunushi. Ifyangalo fyakushitikapo indalama filalenga umuntu ukuba umufunushi. (1 Abena Korinti 6:9, 10) Kanshi Lesa te kuti aasuke ipepo lya kuti umuntu awine lotari. Lesa tatupeela ifili fyonse fye ifyo twamulomba. Nga alepeela fye ifili fyonse ifyo twamulomba, kuti twalaikala fye mwenso mwenso pantu bambi kuti bamulomba ne fyabipa ukuti fitucitikile. Kanshi, tulingile ukulatasha pali ifi Lesa ashitupeela fye ifili fyonse ifyo twamulomba.—Yakobo 4:3.

2. Umuntu uulepepa nga takonka amafunde ya kwa Lesa

Lesa takutika amapepo ya bantu abashikonka amafunde yakwe ku mufulo fye. Ku ca kumwenako, Lesa aebele ababomfi bakwe abashalekonka amafunde abapeele ukuti: “Nangu ca kuti mulafusha amapepo yenu, ine nshumfwa; iminwe yenu yaisulamo fye ukusumya umulopa.” (Esaya 1:15) Lelo abaalula imibele yabo no “kuwamya bucibusa” bwabo na Lesa, na o nga alekutika ku mapepo yabo.—Esaya 1:18.