Bomfyeni Imiti Bwino

KU ULEMBA LOLENI! MU SOUTH AFRICA

LINTU badokota bamulembela umuti, ukwabula no kutwishika uba muti uwingamuposha, ukulingana no bulwele basanga, ne fyo baishiba umuti no mulimo wa budokota. Lelo, umulwele talingile ukwenekela badokota ukushingamwa pa bumi bwakwe. Umulwele e washingamwa ku miti anwa.

Pa kunwa imiti dokota amulembele, konkeni ifyebo fya kwa dokota:

● Imiti yonse ilaletako ububi bumo ku mubili. Mwalikwata insambu sha kwishiba umuti bamulembele no bubi wingaleta ku mubili. Nga ca kuti dokota tamupeele ifi fyebo, mwishimunuka ukwipusha. Ilingi ubusuma bwa muti bulacila ifyabipa ifyo uletako. Lelo mulekabila ukwebwa pa kuti mwingapingulapo bwino.

● Imiti ikuma abantu mu nshila yalekanalekana. Badokota te kuti basose ifyo uyu muti bamupa ukamukuma. Nga ca kuti kwaba ifya kufumamo fyabipa ifyo mushileenekela, kabiyeni kuli Dokota.

● Ipusheni inshiku mukanwa uyu muti. Na kabili ipusheni nga ca kuti umuntu kuti akunkuma ku kunwa uyu muti.

● Cenjeleni ku kuleka ukunwa umuti ukwabula ukwebwa na dokota, napamo pa mulandu wa kuti muleumfwako bwino. Ukuleka ukunwa umuti bwangu kuti kwalenga ubulwele ukukoselako. Lelo intanshi, mufwile ukwipusha dokota.

● Lyonse mulenwa umuti badokota bamulembele ukulingana ne fyo basosa.