Lanshanyeni na Bana
Finshi Fipuseneko?
Bushe kuti wasonta ifintu fitatu ifipuseneko ku cikope ca kubalilapo (A) ne calenga bubili (B)? Lemba ifyasuko pe samba, kabili penta icikope.
IFINGAKWAFWA UKUSANGA ICASUKO: Belengeni Ukufuma 25:23, 30, 31, 37; 30:1-7; Ubwina Lebi 24:5, 6.
1. ․․․․․
2. ․․․․․
3. ․․․․․
4. Cikope nshi icili bwino, ica kubalilapo (A) nelyo icalenga bubili (B)?
“LANSHANYENI NA BANA” amasuko pe bula 12
LANSHANYENI: Finshi shimapepo alecita ilyo ashilatampa ukubombela mu cikuulwa ca kukumaninako?
IFINGAKWAFWA UKUSANGA ICASUKO: Belengeni Ukufuma 30:17-21.
Mulandu nshi ukuba no busaka kwacindama pa kusekesha abafyashi bobe na Yehova? Pa mbali ya kusamba no kuwasha ifya kufwala, ni muli finshi mumbi umo wingaba no busaka?
IFINGAKWAFWA UKUSANGA ICASUKO: Belengeni 1 Abena Korinti 6:9-11; 2 Abena Korinti 7:1.
IFYO ULUPWA LUFWILE UKUCITA:
Ebeni uwa mu lupwa umo umo afwailishe ifishinka pa “Muputule wa Mushilo” uwali mu cikuulwa ca mushilo. (AbaHebere 9:2) Nga mwafwailisha, ikaleni pamo no kulanda icishinka icipya ico mwasambililako.
IFINGAKWAFWA UKUSANGA ICASUKO: CLUE: Belengeni Amalumbo 119:105; 141:2; Mateo 4:4; Yohane 4:34; Ukusokolola 8:4.
Ulesunga no Kusambililako
Putula, peteka, no kusunga
KARDI 9 PALI YEREMIA
AMEPUSHO
A. Mabuuku nshi yane ayo Yehova abomfeshe Yeremia ukulemba?
B. Cine nelyo bufi? Yeremia taupile.
C. Pwishishisha amashiwi Yeremia asosele: “Mu mutima wandi [icebo ca kwa Lesa] caba kwati . . . “
[Charti]
4026 B.C.E. 1 C.E. 98 C.E.
Adamu bamupanga Aikeleko mupepi Ibuuku lya mu
na mu 650 B.C.E. Baibolo ilya
kulekeleshako lyalembwa
Aleikala mu Yerusalemu. Aile ku mumana wa Yufrate na ku Egupti.—Yeremia 13:1-9; 43:8-13.
Yerusalemu
Yufrate
EGUPTI
YEREMIA
Bamusalile ukuba kasesema ilyo ashilafyalwa. (Yeremia 1:1-5) Yeremia alibombele Lesa ne cishinka ukucila pa myaka 65. Nangu cingati Yeremia alemona kwati ali umwaice kabili taishibe ifya kulanda, Yehova amwebele ati: “Wikabatiina . . . , pantu ‘Ine ndi na iwe pa kuti nkupokolole.’”—Yeremia 1:6-8.
AMASUKO
A. 1 Ishamfumu na 2 Ishamfumu, Yeremia, na Inyimbo sha Bulanda.
B. Cine.—Yeremia 16:1-4.
C. “. . . mulilo uulepya, uwacilikilwa mu mafupa yandi.”—Yeremia 20:9.
KARDI 10 PALI SOLOMONE
AMEPUSHO
A. Ilyo Solomone apepele, talombele ifyuma nelyo ukwikala imyaka iingi, bushe ni cinshi alombele?
B. Lemba umushili amashiwi. Solomone alelanda amapinda․․․․․, ne nyimbo shakwe shali․․․․․.
C. Lishina nshi limbi ilyo Solomone bamwinike?
[Charti]
4026 B.C.E. 1 C.E. 98 C.E.
Adamu bamupanga Aikeleko mupepi Ibuuku lya mu
na mu 1000 B.C.E. Baibolo ilya
kulekeleshako lyalembwa
[Mapu]
Namfumu wa ku Sheba aendele amakilomita 2,400 pa kuti fye aye omfwe amano ya kwa Solomone
SHEBA
Yerusalemu
SOLOMON
Umwana walenga bubili uwa kwa Davidi na Batisheba. Solomone atekele mu Israele imyaka 40. Alikuulile ing’anda iikalamba iya kupepelamo Yehova. (1 Ishamfumu 5:2-5) Yehova alimubomfeshe ukulemba Amapinda, Lukala Milandu, na Ulwimbo lwa Nyimbo. Ukwampana pamo na babi, abanakashi aupile aba ku fyalo fimbi, kwalengele ukuti aleke ukupepa Yehova.—1 Ishamfumu 11:1-6.
AMASUKO
A. Umutima wa cumfwila.—1 Ishamfumu 3:5-14.
B. 3,000, 1,005.—1 Ishamfumu 4:29, 32.
C. Yedidia, ilipilibula ukuti “Uwatemwikwa kuli Yehova.”—2 Samwele 12:24, 25.
KARDI 11 PALI YOSEFE
AMEPUSHO
A. Lemba umushili amashiwi. Bandume nankwe aba kwa Yosefe bamwitile ukuti “kalota ․․․․․,” kabili bamushitishe ne sha silfere ․․․․․.
B. Ilyo muka Potifari amupatikishe ukulaala nankwe, Yosefe alikeene, atile, “Kuti nacita shani ububi bwakula ifyo no . . . ”?
C. Mulandu nshi Farao asalile Yosefe ukuba kateka walenga bubili mu Egupti?
[Charti]
4026 B.C.E. 1 C.E. 98 C.E.
Adamu bamupanga Aikeleko mupepi na Ibuuku lya mu
mu 1700 B.C.E. Baibolo ilya
kulekeleshako lyalembwa
[Mapu]
Bamusenda mu Dotani no kumutwala ku Egupti
Dotani
EGUPTI
YOSEFE
Ali ibeli lya kwa Yakobo na Rakele. (Ukutendeka 35:24) Abakalamba bakwe muli banyina mukalamba balimupatile ica kuti balimushitishe ku Egupti uko aikele imyaka 13 mu busha nelyo mu cifungo. Yosefe talandwile, lelo alyelele bandume nankwe pantu balilapiile. (Ukutendeka 50:15-21) Nangu ca kuti aleikala ukutali na bafyashi bakwe, alicindike Yehova kabili atwalilile ukuba uwasanguluka, alebombesha, kabili ali uwacetekelwa.—Ukutendeka 39:1-23.
AMASUKO
A. Wa filoto ulya, 20.—Ukutendeka 37:19, 28.
B. “. . kubembukila Lesa?”—Ukutendeka 39:9.
C. Alishibe ukuti umupashi wa kwa Lesa walengele Yosefe ukuba uwa mano kabili uwashilimuka.—Ukutendeka 41:38-41.
KARDI 12 PALI ESAYA
AMEPUSHO
A. Nani uwaile na Esaya ku kubila imbila ku Mfumu Ahasi?
B. Ilyo Yehova aipwishe ukuti, “Nani ndetuma?” bushe Esaya ayaswike shani?
C. Esaya asobele ukuti: “Isonde likesulamo . . . “
[Charti]
4026 B.C.E.
Adamu bamupanga Aikeleko mupepi 1 C.E. 98 C.E.
na mu 700 B.C.E. Ibuuku lya mu
Baibolo ilya
kulekeleshako lyalembwa
[Mapu]
Aleikala mu Yerusalemu
Yerusalemu
ESAYA
Kasesema uwali ne cishinka, uwatemenwe ukupepa Lesa pamo no lupwa lwakwe. Ifyo alebomba umulimo wakwe ali ca kumwenako ku lupwa. Umukashi wakwe balemwita ati “kasesema umwanakashi.” (Esaya 7:3; 8:3, 18) Esaya abombele Lesa ukucila pa myaka 46. Ishina lyakwe lipilibula ukuti “Ipusukilo lya kwa Yehova.”
AMASUKO
A. Mwana wakwe, Sheari-yashubu.—Esaya 7:3.
B. “Epo ndi! Ntumeni.”—Esaya 6:8.
C. “. . . ukwishiba Yehova.”—Esaya 11:9.
AMASUKO KU MEPUSHO YALI PA MABULA 29
1. Impendwa ya malaiti yaleba pa ca kubikapo inyali.
2. Impendwa ya mikate ya kutuula.
3. Amasengo ku ciipailo ca kutuulilapo ifyanukila.
4. A.