ILYASHI LIKALAMBA
Webu Saiti Iisuma Sana
Kuti MWABELENGA Baibolo pali iyi webu saiti mu fitundu mupepi na 50, e lyo paliba ne mpapulo ishilanda pali Baibolo mu fitundu ukucila pali 500.
Kuti MWAMONAPO ifyebo ifyaba mu ndimi 70 isha bankomamatwi.
Kuti MWAFWAYAPO ifyebo mu fitundu ifingi sana.
Kuti MWAKUTIKA ku fyangalo ifilanda pa malyashi ya mu Baibolo ayo mwingatemwa ukukutikako.
Paliba amalyashi ya mu Baibolo umwaba ifikope aya kuti nga mulebelenga muleumfwa kwati MULEMONA no ko ifyo mulebelenga filecitika.
Kuti MWATAMBAPO ifyangalo na mavidio ayo mwingasambililamo ifya kucita ilyo mwakwata amafya.
Kuti MWAKOPOLOLAPO ifitabo, ifipande fya muli magazini, inyimbo e lyo ne mpampulo isho mwingalakutikako.
Paliba na Laibrari iyo MWINGAFWAILISHAMO ifyebo fyalekanalekana iyaba mu ndimi ukucila pali 100.
IFINGAFWA ABAUPANA
“Mfwaya ukuti mu lupwa lwandi mube insansa. Tulakwata sana amafya mu cupo cesu, maka maka ukutula apo twakwatila abana. Kuti twatemwa ukutwafwa”
BAIBOLO ITILA:
“Amano e yalenga ukuti ing’anda ikuulwe, kabili ukwiluka e kulenga ukuti ikose.”—Amapinda 24:3.
IFYEBO IFISUMA IFYABA PALI IYI WEBU SAITI
Pa cipande citila “Abaupana/Abafyashi” paliba ifyebo ifisuma ifingamwafwa ukwishiba ifya kucita pa kuti:
Mwilakwata sana amafya ayo abaupana bakwata mu mwaka wa kubalilapo
Muleumfwana na bapongoshi benu
Mulesalapula bwino abana
Mwilakansana
Mulebomfya bwino indalama pa ng’anda
(Ici cipande caba mu ciNgeleshi. Tinikeni apatila BIBLE TEACHINGS e lyo mutinike apatila COUPLES & PARENTS)
Mu citabo citila Icaba Inkaama ku Nsansa sha Lupwa mwaliba amalyashi ayalekanalekana ayengamwafwa. Ku ca kumwenako, mwaba amalyashi ayalanda pa fyo umuntu engacita nga alepekanya ukuupa nelyo ukuupwa e lyo ne fya kusakamana abafyashi nga bakota.
(Ici citabo epo caba na pa Intaneti pa www.jw.org. Tinikeni palya balemba ati IMPAPULO e lyo mutinike apatila BOOKS & BROCHURES)IFITABO NA MABROSHUWA)
IFINGAFWA ABAFYASHI
“Ala nalitemwa abana bandi icine cine. Ndefwaya bakakule bwino”
BAIBOLO ITILA:
“Sambilisha umwaice umo afwile ukubela; ne lyo akakota takafumemo.” —Amapinda 22:6.
IFYEBO IFISUMA IFYABA PALI IYI WEBU SAITI
Pa cipande citila “Abana” paliba ifikope ifilanda pa malyashi ya mu Baibolo, ifikope fya kusambililapo apaba ifya kucita, amavidio, e lyo na masambililo ya mu Baibolo ifyo mwingabomfya pa kufunda abana pa kuti . . .
baleba ne cumfwila
baleba ne cikuuku
baleumfwana
balelanda ati “natootela” nga umuntu abacitila icisuma
(Ici cipande caba mu ciNgeleshi. Tinikeni palya balemba ati BIBLE TEACHINGS e lyo mutinike apatila CHILDREN)
Icitabo ca Malyashi ya mu Baibolo ne citabo citila Sambilila Kuli Kasambilisha Mukalamba, fitabo ifisuma ifyo mwigalabelengela abana kabili mwaliba ifikope ifisuma sana.
(Ifi fitabo na fyo epo fyaba pa Intaneti pa www.jw.org. Tinikeni palya balemba ati IMPAPULO e lyo mutinike apatila IFITABO NA MABROSHUWA)
IFINGAFWA IMISEPELA
“Kuti natemwa ukumpandako amano pa fyo ningalacita nga nakwata amafya ku sukulu, e lyo na pa fyo ningalaumfwana na bafyashi. Kuti natemwa no kumpandako amano pa malyashi ya bakashana. Ino nshita ni nkula, mfwaya ukuti ndeipingwilapo ne mwine ifya kucita”
BAIBOLO ITILA:
“Sekelela we mulumendo ilyo ucili umulumendo.”—Lukala Milandu 11:9.
IFYEBO IFISUMA IFYABA PALI IYI WEBU SAITI
Pa cipande citila “Imisepela” paliba amalyashi na mavidio ifingakwafwa:
nga uletalalilwa sana
nga naukwata amafya ku sukulu
nga wacita ifyo abafyashi ba kulesha
nga balekucusha ku sukulu nelyo ku muntu wa lwinso
(Tinikeni palya balemba ati AMASAMBILISHO YA MU BAIBOLO e lyo mutinike apatila IMISEPELA)
Mu citabo ca Ifipusho Abacaice Bepusha ne Fyasuko Ifingabafwa ibuuku 1 na 2 mwaliba ifipusho fyacindama 77 ifyo abaice bepusha sana.
(Ici citabo epo caba pa lntaneti pa www.jw.org. Tinikeni palya balemba ati IMPAPULO e lyo mutinike apatila IFITABO NA MABROSHUWA)
IFINGAFWA ABALEFWAYA UKUSAMBILILA BAIBOLO
“Ndafwaya sana ukumfwikisha ifyaba muli Baibolo. Bushe kuti nacita shani?”
BAIBOLO ITILA:
“Amalembo yonse aya mushilo yafuma kuli Lesa kabili ya mulimo ku kusambilisha.”—2 Timote 3:16.
IFYEBO IFISUMA IFYABA PALI IYI WEBU SAITI
Baibolo ya Amalembo ya Calo Cipya yalipilibulwa bwino sana kabili yalyanguka ukubelenga.
(Tinikeni palya balemba ati IMPAPULO e lyo mutinike apatila BAIBOLO)
Pa cipande citila “Amasuko ku Mepusho ya mu Baibolo” paliba amasuko ku mepusho ayengi pamo nga, “Bushe Lesa e ulenga ukuti tulecula?” e lyo na “Ni lilali Yesu afyelwe?”
(Tinikeni palya balemba ati AMASAMBILISHO YA MU BAIBOLO e lyo mutinike apatila AMASUKO KU MEPUSHO YA MU BAIBOLO)
Palya balemba ati “Lombeni Ukuti Mulesambilila Baibolo” pa kulombela ukuti baleisa mu kumusambilisha Baibolo ukwabula ukulalipila.
(Kabiyeni palya balemba ati Intendekelo e lyo mutinike apatila “Lombeni ukuti mulesambilila Baibolo”)
“Nalilekele ukubelenga Baibolo pantu nshaleumfwikisha ifyo nalebelenga. Lelo ilyo natendeke ukusambilila Baibolo ukubomfya icitabo ca ‘Bushe Cinshi Baibolo Isambilisha?’ nalitemenwe sana ukumona ifyo ici citabo cilondolola bwino ifyaba mu Baibolo mu nshila iya-anguka.”—E fyalandile ba Christina.
Cila bushiku, abantu napamo 700,000 balabelenga ifyebo pa jw.org. Na imwe mulebelengapo.