Mulebomfya Trakiti Iipya Iilelanda Pali Webu Saiti Yesu

Iyi trakiti ili no mutwe uleti, Ni kwi Twingasanga Amasuko ku Mepusho Yacindama Sana? Ku numa ya trakiti, kuli amepusho yatatu ayacindama. Nga mwashukila umuntu wa kulanda nankwe, kuti mwamweba ukusalapo icipusho ico atemwapo sana. Lyena kuti mwamweba ukuya pa Webu saiti yesu. Kuti atinika palya balemba ukuti AMASAMBILISHO YA MU BAIBOLO, e lyo atinika na patila AMASUKO KU MEPUSHO YA MU BAIBOLO. Apa paliba na masuko kuli aya mepusho: Bushe Ubufumu bwa kwa Lesa cinshi? ne lya kutila finshi Ubufumu bwa kwa Lesa bukacita?

Iyi trakiti ikafwa abantu ukwishiba ifyo Baibolo isambilisha pa fyo ifintu fikawama ilyo Ubufumu bwa kwa Lesa bukalateka. Kanshi konse uko muleya mulesendako amakope ya kupeelako abantu.