Ifyo Mwingalanda

Ni kwi Twingasanga Amasuko ku Mepusho Yacindama Sana?

Ilyo tamulatendeka ukulanshanya peeleni umuntu trakiti pa kuti amone umutwe uulipo. Lyena kuti mwatila: “Mwapoleni. Tulepeela abantu mu calo conse aka akapepala umuli amashiwi ayakankaala nga nshi. Na imwe namupeelako aka.”

Nga mwasha trakiti pa ng’anda apashili abantu, mulingile ukuibika apo abapita nshila bashingaimona kabili tamufwile ukuipeta sana.

Nga ca kuti umuntu atemwa sana trakiti kabili alefwaya ukwishibilapo na fimbi, kuti mwamwipusha icipusho icili pe bula lya kubalilapo no kumulanga amasuko ayali pe samba pa kuti asalepo. Lyena kupukuleni trakiti no kumulanga ifyo Amalumbo 119:144, 160 yalanda. Londololeni ukutila iyi trakiti ilelanda pali Webu saiti iyo engasangapo amasuko yene yene ku mepusho ya fyaba mu Baibolo. Nalimo kuti mwamutambisha vidio iitila Mulandu Nshi Mulingiile Ukusambilila Baibolo? Ilyo mushilafumapo, mulangeni amepusho yatatu ayali ku numa ya trakiti no kumweba ukusala icipusho ico engafwaisha ukwishiba icasuko. Lyena, mwipusheni ilyo mwingabwelelako pa kuti mukaye mulanga ifyo engabomfya jw.org ku kusanga ifyo Baibolo ya-asuka icipusho asalile. Nga mwabwelelako, kuti mwaya mulanga icasuko pa jw.org. Kuti mwatinika apatila AMASAMBILISHO YA MU BAIBOLO e lyo mwaya palya balemba ukuti AMASUKO KU MEPUSHO YA MU BAIBOLO.

Nga ca kuti pali iyi nshita muleita na bantu ku kulongana kwa citungu, kuti mwabapeela na kapepala ka kubetilapo no kubeba ukuti, “Namupeelako na ka akapepala ka kumwitilapo ku kulongana kwa citungu. Tabakalelipilisha pa kwingila kabili takwakabe ukupishamo imbale ya mutuulo.”

Ulupungu lwa kwa Kalinda August 1

Ilyo mulepeela abantu utupepala pa mpela ya mulungu, nga mwamona ukutila kuti cawama ukupeela umuntu Ulupungu lwa kwa Kalinda kuti mwatila: “Tulefwaya ukumupeelako na magazini ya uno mweshi iileyasuka icipusho ca kuti, Bushe Lesa alimubikako amano?”

Loleni! July–August

Ilyo mulepeela abantu utupepala pa mpela ya mulungu, nga mwamona ukutila kuti cawama ukupeela umuntu Loleni! kuti mwatila: “Tulefwaya ukumupeelako na magazini ya uno mweshi iileyasuka icipusho ca kuti, Bushe abantu kuti bacita shani pa kuti baleumfwana?”