Ukutula apo Abena Israele Bafumiine mu Egupti Ukufika pa Mfumu ya Kubalilapo

Mose atungulwile abena Israele ukufuma mu Egupti umo bali abasha ukuya ku Lupili lwa Sinai, uko Lesa abapeelele amafunde. Pa numa, Mose atumine abaume 12 ku kuyalengula icalo ca Kanaani. Lelo abaume 10 pa baile mu kulengula icalo ca Kanaani balandile ifyalengele abena Israele batendeke ukufwaya ukubwelelamo ku Egupti. Lesa alengele abena Israele ukucula no kwendauka mu matololo pa myaka 40, pantu tabakwete icitetekelo.

Na mu kulekelesha, Lesa asalile Yoshua ukutungulula abena Israele ukuya ku calo ca Kanaani. Yehova acitile ifipesha amano pa kwafwa abena Israele ukupoka icalo ca Kanaani. Alengele amenshi mu Mumana wa Yordani yaleka ukupita, ne fibumba fya Yeriko ukuwa, e lyo na kasuba takawile, katwalilila fye ukubalika. Pa numa ya myaka 6, abena Israele balipokele icalo ca Kanaani.

Abapingushi batekele abena Israele pa myaka 356 kabili pali aba, Yoshua e wabalilepo. Twalalandako pa bapingushi bamo pamo nga Baraki, Gideone, Yefta, Samsone na Samwele. Twalasambilila na pa banakashi bamo pamo nga Rahabu, Debora, Yaele, Ruti, Naomi na Delila. Mu CIPANDE 3, twalalanda pa fyacitike mu myaka 396.