Ifipusho Ukufuma ku Babelenga

◼ Ni lilali lintu ukulisha kwa ntandala ukwa bamalaika cinelubali aba mu Ukusokolola kutendeka ukumfwika?

Mu Ukusokolola ifipandwa 8, 9, na 11, tubelenga ulwa bamalaika cinelubali abalishishe intandala cinelubali, ukubilishe finkunka ifyakulisha pa fiputulwa fya mutundu wa muntu. Ifi fimininako ukubilisha ukwa mapingushi ya kwa Yehova ayo ayasabankanishiwa na bantu ba kwa Yehova ukupulinkane nshita ya mpela ukutendeka maka maka mu kuba ne bungano lya Cedar Point ilya 1922.—Moneni Revelation—Its Grand Climax At Hand!, ifipandwa 21 ukufika ku 23 ne cipandwa 26.

Ukulisha kwa ntandala kune ukwa kubalilapo kusansalika imibele ya kufwa kwa ku mupashi iya ciputulwa ca Kristendomu ice “sonde” na “bemba,” pamo pene ne mibele yawa iya bashibutotelo ne mfifi ya ku mupashi iya kwa Kristendomu.—Ukusokolola 8:7-12.

Ilyashi lya kale lilangisha ukuti ukusansalika kwa pa lwalala ukwa ifi fishinka mu kushininkisha kwatendeke pa ntanshi ya 1922. Ku ca kumwenako, ilyashi “Amamilioni Abali Nomba Abomi Pambi Tabakabale Abafwa,” ilyapeelwe mu kubalilapo mu 1918 no kusabankanishiwa mu musango wa katabo mu 1920, lyashimike ulwa kufilwa kwa kwa Kristendomu no lwa kupalamina kwa mpela ya ici calo. The Golden Age iya September 29, 1920, pa lwalala yasansalike Kristendomu ngo mulalelale, maputu, kabili uulufya abantu.

Mulandu nshi, lyene, uo icitabo ca Revelation Climax cilandilo kuti ishi intandala shine shatendeke fye ukulishiwa pe bungano lya Cedar Point mu 1922? Pantu cali ni lilya e lintu ubwite bwaile pa ntanshi ku “kusabankanya, ukusabankanya, ukusabankanya Imfumu no Bufumu,” ukupeela ukuluminisha kukalamba ku mibombele ya kushimikila. Ulwafumine ulwa November 1, 1922, ulwa The Watch Tower, lusosa ukuti: “Ifibusa . . . fyakusendele nge lyashi likalamba ilye bungano ukuti ishuko lituntulu no mulimo wa bashishiwa nomba pe sonde uli kusabankanya ukubapo kwa kwa Shikulu, Imfumu nkalamba iya shamfumu, no kuti ubufumu bwakwe buli pano, no kuti ici e cintu cili icacindamisha kuli bene ukucita.”

Cilingile ukwishibikwa na kabili ukuti ilintu yonse yane aya ubu ubukombe bwa bupingushi yalisabankanishiwa ne Nte sha kwa Yehova ukutula mu 1922, bumo bumo mu kukonkapo bwapokelele ukuluminisha kwa maka ukufuma ku kupokelelwa kwa kusuminishanya kune pa mabungano yacitilwe pa kati ka 1922 na 1925. Amakumi ya mamilioni aya makope aya uku kusuminishanya mu kukonkapo yalyananishiwe mu musango wapulintwa, ukusansalika mu kufumamo cimo imibele yafwa iya ku mupashi iya Kristendomu.—Moneni icitabo ca Revelation Climax, ibula 133, paragrafu 15.

Ukulila kwa ntandala kutatu ukwa kupelako kusanshamo ‘amalanda’ (Ukusokolola 8:13) Yalipusanako ukufuma ku kulila kwa ntandala shine isha kubalilapo pa kuti shayampana ku fya kucitika fyashininkishiwa. Ukulila kwa ntandala ukwalenga busano kwayampana no kukakulwa kwa bantu ba kwa Lesa mu 1919 ukufuma “mu muyenge.” Ukwalenga mutanda kubomba na “kabalwe” na kampeini wakulisha uwa pa kati ka nko uwa kushimikila uyo uwatendeke mu 1922. Ukwa cinelubali kwalundanishiwa ku kufyalwa kwa Bufumu bwa kwa Lesa mu 1914.—Ukusokolola 9:1-19; 11:15-19.

Cimo cimo ica ifi fya kucitika caletele akalanda pali Satana ne calo cakwe. Ukukakulwa kwa basubwa mu 1919 ukufuma mu muyenge wa kukanabomba kwasumine bashibutotelo ba Kristendomu kabili kwalangilile ukukaanwa kwa mupwilapo kuli Yehova ukwa wene. Ukutula 1922 ukufika kuli lelo, kabalwe mukalamba alipaya Kristendomu, ukulandila lwa ku mupashi, ukusansalika imibele yakwe iyafwa no kusoka ulwa bonaushi bwakwe ubuleisa. Kabili pa numa ya kufyalwa kwa Bufumu mu 1914, Satana alitamfiwe ukufuma ku mulu, ukukumbamo impika ya konaula pa kati ka mutundu wa muntu. Mu kwangufyanya Ubufumu bukafumyapo sosaite wa buntunse uumoneka uwashikatala uo Satana akuula (isonde), ukupyangapo umutundu wa buntunse uwapondoka (bemba) pa Armagedone.—Ukusokolola 11:17–12:12; 21:1.

Pe bungano lya Cedar Point mu 1922, ‘amalanda’ yonse yatatu yabele ayamonekesha ku calo conse. Kampeini wa kushimikila uwatendekwe lilya yacilengele ukumfwika ukuti “makanta” alifumine mu “muyenge” no kuluminisha kwa kwa “kabalwe” kwalipekanishiwe. Kabili ubwite bwa kukumbamo ku kusabankanya Imfumu no Bufumu bwali mu kumfwana kwakumanina no kulila kwa ntandala cinelubali. Ulwafumine ulwa March 1, 1925, ulwa The Watch Tower lwalondolwele ukuti ifya kucitika fya mu 1914, 1919, na 1922 fyalisobelwe mu Ukusokolola icipandwa 12. Uku kwali kumfwikisha kwashika ukwa kufyalwa kwa Bufumu, kabili mu busumino kwalisabankanishiwe ne Nte sha kwa Yehova. Mu kulundapo, ukubilisha kwa ifi fyebo fya kupomona kwapokelele ukuluminisha kukalamba ukufuma ku kupokelela no kwananya kwakonkelepo ukwa kusuminishanya kwa maka mu kati ka mabungano yacitilwe ukufuma mu 1926 ukufika ku 1928.—Moneni Revelation—Its Grand Climax At Hand!, amabula 147, 149, 172.

E ico, ukulisha kwa ntandala kwatendeke mu 1922 kabili kwalipekanishiwe bwino muli ba 1920. Ukutula lilya, abantu ba kwa Yehova balibombela pamo ukwabulo mwenso na bamalaika mu kweba umutundu wa muntu ukuti Kristendomu alifwa lwa ku mupashi, bashibutotelo bakwe ni ntungulushi shawa, kabili mu kwangufyanya wene na bashala bonse aba calo ca busatana bakonaulwa.