Ubumi bwa kwa Yesu no Butumikishi
ICIPANDE “Yesu Apwisha Fyonse Ifyo Lesa Aipusha,” pa mabula yakonkapo, e ciputulwa ca kulekelesha ica kukonkana kwesu ukwalepa ukwa “Ubumi bwa kwa Yesu no Butumikishi.” Ulu lubali lwalimoneka mu Ulupungu lwa kwa Kalinda ukucila pa myaka mutanda, mu shafuma ishakonkana 149, ukutampa no lwafumine ulwa April 1, 1985.
Cili lisubilo lyesu ukuti uku kukonkana mu Ulupungu lwa kwa Kalinda kwalikwaafwa ukukonka ukukonkomesha kwa mutumwa Paulo ku ‘kutonta amenso kuli Yesu’ no kumfwila ukufunda kwa kwa Lesa ku ‘kumumfwa.’ (AbaHebere 12:2, 3; Mateo 17:5) Ukucila pa myaka, abengi balilemba ku kusoso kuti balyafwiwa ku kucite ci. “Cili kwati e ko nali ndekutika kuli wene no kutamba ifyo acita,” e fyalembele kabelenga umo. “Naliisa mu kumutemwa mu kucilapo pa mulandu wa ifi fipande.”
Kabelenga umbi alembele ukuti: “Ulwafuma ululi lonse lumoneka ukukwata icishinka ico napushile lintu nalebelenga ubulondoloshi bwalembwa ubwa Baibolo. Naliipakisha ukubika mu muntontonkanya ifya kucitika mu bumi bwa kwa Yesu mu muyano wa kukonkana kwa nshita ku kubelenga icipande cimo na cimo.” Abengi balilumbulula ukutasha kwapalako pa kusambilila ni lilali kabili kwi Yesu asambilishe no kucite fintu mu kati ka butumikishi bwakwe.
Umwanakashi mu Spain atile: “Nalisunga ifipande fyonse ukutula pa kutendeka. Fyaliba ifya kufunda nga nshi ku bakalamba na ku bana. Ndi ne myaka 44, kabili ndacincimushiwa lintu nabelenga ubu bulondoloshi bwalembwa. Cili kwati epo nali mu ca kucitika cimo cimo ica mu lyashi lya kale.”
Nyina mu United States alembele ukuti: “Pa mulandu wa bwipi bwa fipande no kulumbulula kwa fiko ukwayanguka, umulume wandi aliilundako kwi sambililo lyesu ilya lupwa. Kalume wandi uwa myaka ya bukulu cinekonsekonse anjipwishe ukulemba ku kumutasha ukuti wishi nomba alasambilila Baibolo. Alomba ukuti ubushiku bumo lintu uku kukonkana kukapwa ifipande fikasabankanishiwe mu citabo pa kuti engakana fyene na banankwe ba ku sukulu.”
Nakalimo ulakana ukuyumfwa kwa kwa kabelenga uwalilishike nomba line ukuti: “Ndeyumfwa uwalengwa ubulanda panono pa kutontonkanya ukuti ifipande fyalapwa mu kwangufyanya pantu inshiku sha kupelako isha bumi bwa kwa Kristu shilelangulukwapo. Nkapusa mu cine cine icifulo ca fiko mu Ulupungu lwa kwa Kalinda.” Tulesubilo kuti walaipakisha ulu lubali lwa kulekelesha ulwa kukonkana kwesu ukwa, “Ubumi bwa kwa Yesu no Butumikishi.”