AMASUKO KU MEPUSHO YA MU BAIBOLO
Bushe icalo cikaba shani ku ntanshi?
Bushe imfwa ya kwa Yesu ikalenga shani abantu mu calo ukutemwana?
Te kuti tutwishike ukuti abantu bakulalunduluka mu fya sayansi. Lelo, bushe bakalenga abantu muno calo ukutemwana? Awe. Muno nshiku abantu ni bakaitemwe kabili bafunushi. Lelo Lesa alilaya ukuti akacitila abantu ifisuma.—Belengeni 2 Petro 3:13.
Baibolo ilalanda pa calo umukaba abantu abakatemwana. Abantu bakekala mu mutende kabili takwakabe ifya kubaletela umwenso.—Belengeni Mika 4:3, 4.
Bushe Lesa akafumyapo shani bukaitemwe?
Ilyo Lesa apangile abantu, tabali bakaitemwe. Lelo ilyo bakeene ukumfwila Lesa, tabatwalilile ukuba abapwililika. Twaliba na bukaitemwe pa mulandu wa kuti na ifwe tatwapwililika. Lelo Lesa akabomfya Yesu ukulenga abantu ukuba abapwililika na kabili.—Belengeni Abena Roma 7:21, 24, 25.
Ukulingana no kufwaya kwa kwa Lesa, Yesu alitufwilile kabili alifumishe ulubembu ulo Adamu atuletelele. (Abena Roma 5:19) Apo Yesu alitufwila, mu calo cipya abantu tabakabe na bukaitemwe kabili tabakalacita ifyabipa.—Belengeni Amalumbo 37:9-11.